VOV4.K’ho- Ngai do (21/5), mu\t pơrjum dơ\ 5, Quốc hội khoá XIV. Jat broă rơndăp lơh, tàm dơ\ pơrjum do, Quốc hội geh lơh broă tàm 20 ngai. Tàm dơ\ pơrjum, Quốc hội geh lời uă tu\ jiơ ai broă lơh gròi sền, sền swì mờ lơh nền ală broă kuơmàng; pơn jat tai lơh tam gơl, tam gơl pa bè broă lơh lùp mờ hơ jơnau lùp.

Ală rơndăp broă lơh adat geh Quốc hội sền swì, ring bal, tàm hơ\ geh: Adat Yal yă (tam gơl); Adat Tiah hành chính- Lơh sa krơi is; Adat đo was mờ Sră sềr rùp ù tiah; Adat Tàm pơrlòng (tam gơl); Adat Lơngăp lơngai internet; Adat Sền gàr dà lơgar (tam gơl); Adat tam gơl, bơtơl bàr pe bơta bơh Adat Tàp pràn să jan; Adat tam gơl, bơtơl bàr pe bơta bơh ală adat gơrềng tus adat Rơndăp ù tiah.

Kuơmàng, Quốc hội geh lời 3 ngai nàng lùp mờ hơ jơnau lùp. Bơta pa tàm broă lơh lùp là tơl nă kuang bàng Quốc hội geh 1 phuk nàng yal jơnau lùp mờ tơnơ\ tu\ 3 nă kuàng bàng Quốc hội lùp, cau gơtìp lùp pal hơ tơn; tơngai lời ai pah dơ\ hơ jơnau lùp in là 3 phuk.

Cau mblàng Lơ Mu K’Yến