VOV4.K’ho - Tàm dơ\ poh lơh broa\ dờng màng APEC, tàm ngai lơh broa\ dơ\ 2, ngai òr (7/11), pơrjum dờng màng ka\ bro Việt Nam neh mut pơrjum. Sơnđan bơh  dơ\ pơrjum nam do la ‘’Việt nam-Cau lơh broa\ bal ka\ bro pin dờ`’’.

Đơs tàm dơ\ pơrjum,  Thú tướng Nguyễn Xuân Phúc đơs tờm: ‘’Việt Nam neh ai go\ bơta  nhap nhar bơh  he dê bơh broa\ nhap nhar, geh lơh lài gơ rờm bal dunia mờ kờ` bal pràn ngan khat gơboh ka\ bro gùt dunia’’, ồng ai git: Mờ rơndap khà kờp làng bol gam kơnòm, khà cau ngui Internet ơm dơ\ 5 tàm Châu Á-Thái Bình Dương, geh tơmut bal tàm  điện thoại attê jơnhua, Việt Nam la tu\ dờng ngan tus ala\ cau bơcri geh lơh bal ala\ phan bơna, broa\ lơh drơng ơla he dê  tus mờ drà ka\ brò bềng bơta kờ` do.

Den tàng, ồng Nguyễn Xuân Phúc tơlik 3  jơnau kờ` sồr geh dong Việt Nam pơnjat tai bơtàu  tơngguh: geh bal  geh lơh niam broa\ tờm chính sách, chul chồl bơtàu tơngguh lơh sa  dùl na\ sa\ mờ tơngguh bơta pràn atbồ dà lơgar, chul chồl rài lơh sa mut lơh broa\, bơceh pa mờ geh lơh niam ta\ dia, geh gùng tus ala\ bơta di pal niam  song dơpa\, drờm bal mờ geh cồng nha.

                                 Cau cih mờ yal tơnggit K’ Brọp