VOV4.K’ho- Drim do 11/10, tàm Hà Nội, mu\t Pơrjum phe dunia dơ\ 10. Do là dơ\ sơnrờp Bộ Công thương Việt Nam pơgồp bal mờ Tạp chí The Rice Trader (TRT) bơyai lơh.

Lòt pơrjum geh pơgăp 600 nă năc jà là ala mat gah lơh phan kòi phe bơh ală lơgar tăc mờ blơi phe uă ngan tàm dunia, ală công ty dờng bè tăc mờ blơi phe mờ lơgar ndai mờ ală cau mờng chài dunia dê bè lơh gơlik mờ kă bro phe…

Pơrjum phe dunia là jơnau geh bơngă pin dờn gơ wèt mờ mpồl cau lơh sa kă bro, lơh gơlik phe kung bè lơgar blơi phe. Bơh Pơrjum, ală cau dùl nă să, mpồl cau, mpồl lơh sa kă bro tàm lơgar mờ bơdìh lơgar geh tu\ tơngai nàng cribơyai, sền gi\t bè kă bro phe dunia kung bè tàm lơgar tàm tơngai tus, mơkung lơh bal, lơh broă bal tàm tu\ lơh gơlik mờ kă bro phe.

Jat khà kờp bơh Tổng cục Hải quan dê, tàm 8 nhai bồ nam 2018 do dê, jơh gùt lơgar tăc mờ lơgar ndai geh rlau 4 tơlak 500 rbô tấn phe, gơguh 10,5% pơndrờm bal dùl tu\ mờ nam lài. Nam 2018, jơnau kờ` tăc phe mờ lơgar ndai geh pơgăp 6 tơlak 500 rbô tấn bal mờ phe geh tăc uă ngan mờ lơgar ndai mìng là phe niam bơkah.

Cau mblàng Lơ Mu K’Yến