VOV4.K’ho- Drim ngai 12/5, pơrjum pờ tơlik tơn tàm internet Mpồl lơh broă Kuang bàng Sền gàr dà lơgar kấp dờng màng ASEAN geh lơh tàm Hà Nội bơh bơta đơng lam bơh Bộ Quốc phòng Việt Nam dê.

Đơng lam pơrjum, Trung tướng ồng Vũ Chiến Thắng, Kuang ătbồ Cục lơh broă mờ lơgar ndai gơ wèt Bộ Quốc phòng, Kuang ătbồ Mpồl lơh broă Kuang bàng Sền gàr dà lơgar kấp dờng màng ASEAN bơh Việt Nam dê neh yal bè broă lơh rcăng sơndră kòp Covid-19 bơh Bộ Quốc phòng dê, bơta  tus bal jơh nùs mờ geh cồng nha tàm broă lơh ngan bal bơh Chính phủ dê tàm broă tam dră mờ kòp.

Tàm pơrjum, ală kuang bàng neh cribơyai bè lơh broă bal sền gàr dà lơgar tàm ală gah broă, bè: rcăng tàp Bơsong jơnau digơlan gơlik geh bơh mpồl ling lơh sơnơm ASEAN dê tàm broă rcăng sơndră mờ kòp; sền swì bàr pe broă bơceh lơh pa tàm broă lơh broă bal sền gàr dà lơgar ASEAN, broă rơndăp lơh lơh broă sền gàr dà lơgar ASEAN tơngai bơh nam 2020- 2022.

Cau mblàng Lơ Mu K’Yến