VOV4.K’ho- Mang ngai 16/1, Dơ\ sơnđờm mu\t lơh Pơrjum nhơl chờ ASEAN nam 2019 neh geh lơh tàm Hạ Long, càr Quảng Ninh mờ bơta tus bal bơh ồng Vũ Đức Đam, Phó Thủ tướng Chính phủ dê bal mờ 2 rbô nă kuang bàng tus bơh ală lơgar tàm dunia. Pơrjum nhơl chờ ASEAN (ATF) mờ Lơh drà nhơl chờ TRAVEX 2019 geh lơh bơh ngai 13-19/1 bơh Việt Nam drơng lơh tàm [òn dờng Hạ Long, càr Quảng Ninh mờ tơngume “ASEAN- Bơta pràn bơh bơta tơrgùm dùl dê”.

Mu\t Pơrjum nhơl chờ ASEAN nam 2019  

Đơs sơnđờm mu\t pơrjum, Phó Thủ tướng Vũ Đức Đam đơs sùm, ATF 2019 là broă lơh sa, chính trị, mpồl bơtìan tơngo\ broă lơh ngan bal nàng kờ` bơ\t bơtàu ASEAN gơ gơs là dùl anih tus nhơl chờ lơh gơkờ` ngan cau. Ală tơngume geh cribơyai tàm dơ\ pơrjum nhơl chờ tàm hơ\ geh lơh geh jơnau sồr, bơtàu tơnguh mpồl cau lơh broă nhơl chờ, tơnguh uă bơta pràn jak tàm pơrlòng, bơtàu tơnguh nhơl chờ kơ\ kơl jăp mờ glòm jơh bal…

Tàm dơ\ pơrjum gam geh uă broă lơh pơnrơ ngan bè pơrjum báo Bộ trưởng Nhơl chờ ASEAN mờ ală lơgar lơh broă bal, jàu khà jờng nhơl chờ ASEAN, yal sră ală jơnau yal nhơl chờ tàm Việt Nam…

Cau mblàng Lơ Mu K’Yến