VOV4.K’ho - Drim do (21/10), pơrjum dơ\ 8, Quốc hội khoă 14 mùl màl sơn đờm mu\t pơrjum tàm hìu Quốc hội, càr lơgar Hà Nội.

Jăt broă lơh, tàm pơrjum do, Quốc hội geh lơh broă tàm 27 ngai mờ geh tơn jơh pơrjum tàm ngai 27 nhai 11 nam 2019.

Tàm pơrjum do, Quốc hội geh bơyai lơh sền wơl ring bal 12 rơndăp broă adăt. Bè broă sền gròi, Quốc hội geh sền wơl ală jơnau yal bè cồng nha lơh jăt rơndăp broă tơnguh bơtàu lơh sa mpồl bơtiàn mờ kes priă dà lơgar nam 2019; rơndăp broă tơnguh bơtàu lơh sa mpồl bơtiàn, rơndăp broă kes priă dà lơgar, gùng dà broă tam pà kes priă dà lơgar nam 2020; sền wơl jơnau yal kơlôi sơnơng di pal bè rơndăp broă lơh [làng rơndeh par dunia Long Thành tơngai dơ\ 1; rơndăp broă tơrgùm bal bơcri priă tơnguh bơtàu lơh sa mpồl bơtiàn tiah làng bol kòn cau, tiah kơh bơnơm mờ tiah geh broă lơh sa mpồl bơtiàn kal ke; broă ngui 20% khà priă jơnkah kes priă kham kòp, sơm kòp bảo hiểm y tế nam 2015.

Tàm pơrjum do, Quốc hội geh bơyai lơh sền gròi jăt tơngu me “broă lơh jăt broă dong kờl adăt boh lam bè sơndră mờ ồs sa, crùh ồs sa tơngai bơh nam 2014 tus 2018” mờ ai 3 ngai kờ` lùp mờ hơ jơnau lùp.

Cau mblàng Ndong Brawl