VOV4.K’ho - Sền wơl nam 2018,  bulah lơh sa phan bơna gùt dunia geh ua\ gơ tam gơl mờ geh ai go\ gơ ơm wơl, ka\ bro gùt dunia gơguh lơỳai rlau mờ kờp du\ lài… lơh sa tàm dà lơgar gam pơnjat tai gơguh lơh geh ờ ua\ cồng ngan  pal cih dờp ngan, gơguh kờp du\ geh 6,6-7% do la khà jơnhua ngan tàm 10 nam do. Ua\ cau jak kờp du\ tàm nam 2019, lơh sa lơgar he di gơlan geh gơguh tus 7%. Cau ai tơnggit jơnau đơs geh dơ\ tìp mờ lùp ồng Trần Văn Phước, jào gơnoar Chủ tịch Uỷ ban sền gròi pria\ jền dà lơgar:

            -Ơ ồng,  tàm jơnau yal Kờp jơh drà ka\ bro pria\ jền nam 2018 bơh Uỷ ban sền gròi pria\ jền dà lơgar, geh đơs lài gơguh GDP nam 2019 geh la tàm khà 7%. Bè hơ\, he ai bơh tềng lơi nàng geh đơs bè do, ơ ồng?

            Ồng Trương Văn Phước: Nam 2018 geh lơh niam wơl bè lơh sa, ngan la lơh niam broa\ sra\ nggal bơcri neh niam rlau. Chính phủ lơh ngan koh tơmù ala\ sra\ nggal lơh ua\ bơta pràn geh ngui dơ\ kac màng công nghiệp 4.0… Nam 2019, bol a` kờp du\, gơguh GDP bơh Việt Nam geh tàm khà 7% tus bơh broa\ mblàng mờ kờp du\ lài bè  bơta lơh sa dunia mờ tàm lơgar. Lơh sa dunia bal mờ broa\ ờ suk ngòt tam pơrlòng ka\ bro  gam gơbàn den gam geh ala\  broa\ bươn boài mờ kal ke. Bal mờ hơ\,  pria\ xăng zờu dunia nam 2019 geh đơs lài ờ gơguh ua\ bè nam 2018. Ala\ broa\ lơh pria\ jền bơh ua\ lơgar (pơn yơu bè Mỹ) geh lơh broa\ nền nòn rlau nàng rài lơh sa Mỹ sùm gàr gơguh,  roh khà pria\ bơh gùt dunia kung geh gơmù,  roh khà pria\ bơh ala\ lơgar lơh sa pa bơtàu tơngguh kung gơmù,  pria\ xang zờu gơguh ờ ua\... geh ala\ dong kờl niam tus rài lơh sa Việt Nam tàm nam 2019. Drà ka\ bro tàm lơgar kung geh đơs lài geh ua\ bơta dong kờl ai gơguh GDP tàm nam 2019, hơ\ la: chính sách chồl guh lơh sa is, tam gơl pa broa\ lơh gơguh lơh sa,  bơta ka\ bro pơnjat tai geh lơh niam… Hơ\ la ala\ bơta tờm ngan mờ bol a` geh ai tơlik đơs lài gơguh lơh sa Việt Nam tàm nam 2019 geh tus 7%, gàr niam roh khà pria\ tàm hờ đơm 4%.

-Ơ ồng, ala\ gah broa\ lơh bè ma\y mok bơceh lơh,  bơceh lơh mờ gah broa\ drơng ơla geh đơs la tờm ngan ai tus bơta bơtàu tơngguh lơh sa nam 2018. Bè hơ\, tàm nam 2019 do, bơta tờm pràn ngan tus gơguh lơh sa geh tus bơh gah broa\ lơi , ơ ồng?

            Ồng Trương Văn Phước:  Bol a` đơs là,  bulah geh ai go\ gơmù mơya ma\y mok bơceh lơh, bơceh lơh mờ broa\ drơng  ơla gam geh ua\ ngan bơta nàng bơtàu tơngguh tàm nam 2019. Nam 2018,  lơh sa suơn sre bơtàu tơngguh niam mơya tàm ờ ua\ quý lồi nam geh ai go\ gơ ơm wơl bơh gơ dờp bơh drà ka\ bro dunia. Mờ ala\ broa\ lơh tàm tơngai lài,  kờ` geh bơta lơ ỳai nàng sền pơndrờm tàm rài lơh sa. Kờp jơh la, gơguh lơh sa Việt Nam tàm nam 2019 la niam mờ geh tus 7%.

            -Bè hơ\, jat ồng, tềng lơi la bơta lòng dờng ngan bơh rài lơh sa dà lơgar tàm nam 2019?

            Ồng Trương Văn Phước:  Bơta lòng dờng ngan bơh Việt Nam  gơ ơm tàm bơta lòng bơh rài lơh sa dunia, bơh bol he neh gơ rờm bal jrô ơnàng  bal mờ rài lơh sa dunia,  bơta pờkung bè hơ\.  Broa\ ờ suk ngan bơh dunia tu\ do la tam pơrlòng ka\ bro tu\ lơi kung geh 2 đah, tài  dơ\ tam pơrlòng ka\ bro Mỹ- Lo geh  gơ bàn mo tus khà ka\ bro bơh Vit Nam bơh gơguh 5,2% nam 2017 neh gơmù 4,2% tàm nam 2018 ala\ jơnau đơs lài ai go\,  khà ka\ bro Việt Nam dê tàm nam 2019 geh pơnjat tai gơmù pơgap di 4%. Bol he la dùl rài lơh sa pờ mờ gơguh lơh sa bol he dê sơnđìng ua\ ngan tàm tơlik tac phan mờ lơgar cau, dilah  bơta dờng  ka\ bro gùt dunia gơmù den tu\ hơ\, tơik tac phan bơh lơgar he dê la gơbàn kal ke. Hơ\ la ala\ bơta lòng, ala\ bơta lòng dờng rlau jơh hơ\ la bơta pal lơh jat di mờ gơ kờ`  bal di pal he dê tàm broa\ lơh chính sách dờng  bè lơi? Nàng geh sang sơbì jơh ala\ kal ke mờ bơta lòng. Mơ kung lơh geh bơta pràn bơh rài lơh sa. Bơta  mờ bol he đơs lài hơ\ la bơta pal git rơndap broa\ tàm geh gùng dà broa\ lơh chính sách lơh sa dờng kờ` di pal mờ bơta  gùt dunia bè tu\ do.

            -Dan ưn ngài ồng ua\ ngan!

          Cau mblàng K’ Brọp