VOV4.K’ho- Ngai 25/03, Tỉnh ủy Dak Lak bơyai lơh pơrjum tơn jơh broă lơh Mpồl bơt bơtàu Đảng nam 2020, lam lơh kơnòl broă nam 2021. Jat jơnau đơs tàm dơ̆ pơrjum, nam 2020, kấp ủy Đảng ală kấp càr Dak Lak neh lơh ngan cribơyai bal bơyai lơh geh cồng nha Pơrjum dờng Đảng bộ càr dơ̆ 17.

Uă kấp ủy, mpồl đảng kấp hơđơm geh broă lơh niam, bơceh pa pơgồp bơnah ai Nghị quyết mut tàm rài kis. Broă lơh bơt bơtàu mpồl Kuang bàng lơh broă chính trị niam, lơh broă ngan ngồn, geh cồng nha pơgồp bal mờ tơrmù biên chế, tơnguh uă bơta niam mờ rơndap tap sèng wơl mpồl Kuang bàng, công chức. Nam 2020, càr Dak Lak neh lơh jat broă tơrmù 66 công chức mờ rlau 1 rơbô 100 biên chế viên chức.

Kờp dŭ nam do, càr Dal Lak pơn jat tai tơrmù 60 công chức mờ rlau 1 rơbô 100 biên chế viên chức, jat khà 10% mờ Nghị quyết sồ 39 nam 2015 bơh Bộ Chính trị dê mờ broă rơndap broă lơh bè tơrmù mờ rơndap tap sèng wơl mpồl kuang bàng, công chức, viên chức bơh Ban Thường vụ Tỉnh ủy Dak Lak dê neh ai.

Cau mblàng K’ Hạnh