VOV4.K’ho- Gơdờp bal ờdo ờdă, ngăc ngar mờ gròi sền geh cồng nha kòp bơtờp, sơlơ gơhòi gơ jà bơcri priă, rơndăp tăp sèng wơl gah lơh broă sa sươn sre, sền gròi lơh jăt niam broă dong kờl sền gàr ờdo ờdă rài kis mpồl bơtiàn là ală kơnòl broă tờm geh càr Dăk Lăk jơh nùs ngan lam lơh jăt tàm nam 2022.

Nam 2021, bulah kong gơrềng bơh kòp Kovid-19 dê, mơya broă lơh sa- mpồl bơtiàn bơh càr Dăk Lăk dê pơn jăt tai geh ală bơta gơ tam gơl niam ngan: Khà gơguh lơh sa rlau 5,1%, priă lơh geh kờp bal dùl nă cau geh 50 tơlak đong dùl nam, kờp jơh priă geh bơh tăc phan mờ lơgar ndai geh rlau 1 rbô 100 tơlak dolar Mỹ...Nam 2022, Dăk Lăk pơn jăt tai lơh jăt gơdờp bal ờdo ờdă, ngăc ngar mờ gròi sền geh cồng nha kòp Kovid-19, mơkung lơh pràn gơhòi gơ jà bơcri priă, rơndăp tăp sèng wơl gah lơh sa sươn sre, sơlơ ătbồ ù tiah...Gơwèt mờ ală rơndăp broă lơh pràn gơn kơnờm, càr tơrgùm tă bơsong ală kal ke, bơta gơkòl, ngan là ai ù lơh tài bơh do là dùl tàm ală bơta gơkòl dờng ngan rlau jơh tàm tơngai lài.

Cau mblàng Lơ Mu K’Yến