VOV4.K’ho - Ƀộ Văn hoá-Thể thao mờ Zu lịc pà git, nam 2022, gah nhơl chờ pơn jăt tai lơh jăt ală broă hòi jà, dong kờl rơhời brồ guh lơh broă nhơl chờ, lòt nhơl chờ sơndră mờ bơta gơrềng bơh kòp Kovid-19.

Jăt mờ hơ̆, Ƀộ Văn hoá-Thể thao mờ Zu lịc ai 5 mpồl kơnòl, broă lơh nàng rơhời pờ mpồng broă kă bro nhơl chờ tus wơl mờ bơta bè ờs pa, tàm hơ̆ lài jơh pal gàr niam ờ do ờ dă kòp Kovid-19; dong kờl mpồl lơh sa kă bro chồl mhar broă brồ guh mờ dong kờl tơnguh bơtàu mpồl cau lơh broă di pal mờ broă brồ guh nhơl chờ dê. Pơn jăt tai tơn jŏ tơngai lơh jăt ală broă ờ tă, tơmù tă priă, tơn jŏ tơngai tă dia, priă; dong kờl priă cồng càn priă ngân hàng ai mpồl lơh sa kă bro bơcri priă lơh broă tơnguh bơtàu nhơl chờ in; ai lài mpồl lơh sa kă bro nhơl chờ mŭt lơh broă... Bè broă gàr niam ờ do ờ dă tàm anih tus mờ ờ do ờ dă ai cau năc nhơl chờ in, jăt Phó Thủ tướng ồng Vũ Đức Đam đơs, pal lơh jăt niam broă sơndră mờ kòp gơtờp, sền gròi niam kòp gơtờp tàm tơngai ờ jŏ ngan nàng pờ mpồng niam mờ kơl jăp.

Cau mblàng Ndong Brawl