VOV4.K’ho- Ơ làng bol mờ gơ\p bơyô! Kờp bơh ngai gơl gùng Hồ Chí Minh lòt gan Tây Nguyên, koèt kơh Lò Xo gơl lòt gan xã Đak Pét mờ Đak Man, kơnhoàl Đak Glei, càr Kon Tum, sùm gơbàn rềs àr gùng lòt ngòt rơngơ\t ngan. Jơnau gơ lời wơl lơh uă cau chơ\t mờ uă cau sồt să, bơta jê sồt gơtam rơndap rơndồl bal. G^t loh jơnau gơbàn nàng geh ală broă lơh di pal bơsong broă tơrmù bơta rềs àr gam là jơnau kờ` pal lơh jal mhar ngan.

 Pa do ngan rlau jơh, tàm dơ\ rềs àr gùng lòt ngòt rơngơ\t gơbàn tàm àng drim gờ` ngai 16/6 tàm gùng Hồ Chí Minh, gơl lòt gan xã Đak Pét, kơnhoàl Đak Glei, càr Kon Tum, dùl bơta jê sồt moat jrùng digơlan sùm tơng go\ ală cau lơh bèp, lơh mè mờ cau  sa\ tờm tơn tàm tu\ tus bal dong kờl tàm dơ\ rềs àr do, hơ\ là bơta jê sồt uă ngan sơn đan bal là kơnòm dềt.

Tàm dùl rơndeh pơn diang na\c lòt bơh tiah đah Tô  mut tàm tiah đah Jum geh bàng sồ 34B-002.69 pơn diang 44 nă cau, tàm hơ\ geh 10 nă kơnòm dềt, rơndeh do nisơna ờ gơtùi kup thang tơm tơrlah g^t nđờ jơt thơk pơng gàr kang hơ\ sồng gơđùh tàm  thòng jrô. Bi Nguyễn Văn Bắc bal mờ 2 nă kòn dềt pa rê còp [òn Hưng Yên, 3 nă bèp mờ kòn gam tàm gùng rê wơl hìu tờm tàm càr Bình Phước den rơndeh gơtìp rềs àr. Sền kòn ùr dềt Nguyễn Ngọc Thảo Nhi, 5 sơnam, gam ờ kah tàm jơ nờng kòp tềng hìu sơnam, bi Bắc moat jrùng đơs.

“ Tu\ hơ\ là 3 nă bèp mờ kòn ơm bic hơ đơm bic tềng gùng lik lòt tàm rơndeh tơn. Mơya tu\ kah rơngal den go\ rơndeh nisơna gơ đùh tàm thòng den a` mìng g^t là lòt jòi kòn lơm. A` jòi mờ hòi kòn den kơno sau hơ wơl den a` jòi go\ sau.

2 nă sau dềt ờ gam mò tai tàm dơ\ rềs àr 

Bulah dùl tàm 2 nă kòn gơbàn sồt să pal cèng tus hìu sơnơm dờng càr Kon Tum nàng sơm sồt, den hìu bơnhă bi Bắc dê gam ơm tàm bơta bơtoah ngan. Tàm 3 nă cau chơ\t tơn tu\ gơbàn rềs àr den moat jrùng jê sồt ngan tus mờ 2 nă sau dềt in.

Bi Phạm Thị Dịnh, ơm tàm càr Bình Phước, bơh tu\ do ờ gam kòn klau Đào Minh Phúc, 10 sơnam tai. Bi Vũ Trung Thiện, ơm tàm kơnhoàl Nho Quan, càr Ninh Bình kung ờ gam tai kòn klau Vũ Trung Đức, 12 sơnam. Moat jrùng sền bồc kòn tàm hìu sơnơm kơnhoàl Đak Glei, dùl nă cau bèp mờ dùl nă cau mè geh bal bơta moat jrùng jê sồt uă ngan tu\ ờ gam kòn tai. Bi Phạm Thị Dịnh, geh tu\ den pơn dờm  đơs is tềng  bồc kòn. Ai bi Vũ Trung Thiện den wờl să tài bơh ờ gờ` jun bồc kòn he dê neh ờ gam tơl să jan bơh tiah gơbàn rềs àr tus tiah ra` rơsơh:

“ A` kung ờ suk ngan a` đơs bơh do tus trồ mờr àng neh ơn kòn a` tềng do mờ sồr ală cau lơh ngan ơn kòn a` tàm tiah ra` rơsơh. Tu\ hơ\, tơrnùng  pơndiang kung ờ gam tai.

Bi  Phạm Thị Dịnh  mờ bồc kòn 

Tài bơh gơbàn uă dơ\ rềs àr ngòt rơngơt ngan, 27 kơi sồ koèl kơh Lò Xo, gơl lòt gan xã Đak Pét mờ Đak Man, kơnhoàl Đak Glei, càr Kon Tum, bơh jo\ ală cau ma\y rơndeh mờ làng bol hòi là “ koèl kơh chơ\t”. Neh geh uă jơnau đơs là, broă ngui akhar “anih sùm rềs àr” tàm koèl kơh Lo Xo ờ gam di pal tai. Tu\ do pal sơnđan là “ gơl gùng koèl rềs àr” bơh tàm jơh gơl gùng koèl kơh do kung là tiah ngòt ngơt buơn ngan gơbàn rềs àr gơbàn  tu\ lơi ờ g^t.

Geh uă ngan bơta ndrờm bal tàm ală  dơ\ rềs àr gùng lòt gơbàn tàm koèl kơh Lò Xo, hơ\ là bơta ờ sền  bơh cau ma\y rơndeh dê tu\ lòt tàm gùng ờ hoan geh cau lòt. Mơya gơl gùng do koèl kơh uă ngan, kơh ờ jơnhua, mơya là bơta aniai gơ wèt mờ cau ma\y rơndeh ờ sền nga\c, ngan là gơ wèt ală cau ờ hềt kuèng gùng lòt.

Nàng tơrmù rềs àr gùng lòt tàm koèl kơh Lò Xo, tơngai pa do Cục atbồ gùng lòt 3, gơ wèt Tổng cục gùng lòt, Bộ giao thông Vận tải, mpồl lơh broă atbồ gơl gùng koèl kơh do neh lơh tai dùl gùng pleh rềs àr; bơtơl crap krơh tàm gùng lòt, ală kbàng yal tơng^t, kbàng yal lài, ala taluy 1cờ` lơh gơs 2 cờ`… Mơya, taluy gam gơtìp gơtơm tơrlah, rơndeh gơđùh tàm thòng jrô, koèl kơh Lò Xo gam là bơta ngòt rngơt ngan jơh bal mờ ală cau ma\y rơndeh mờ cau na\c đi tàm rơndeh.

 Sau Nguyễn Khắc Thiên, 5  sơnam gơtìp pă ntìng tê geh mè sền gàr tàm hìu sơnơm

Tềng đap ală dơ\ rềs àr gùng lòt ngòt rơngơ\t sùm gơbàn tàm koèl kơh Lò Xo, ngai 17/6 pa do Mpồl lơh broă bơh Ủy ban ờ do ờ dă gùng lòt dà lơgar mờ Bộ giao thông vận tải neh lòt sền 27 kơi sồ gùng koèl kơh do.

Thứ trưởng Bộ Giao thông Vận tải ồng  Lê Đình Thọ đơs tờm: kờ` geh dùl broă lơh ngan ngồn, broă lơh bal nàng ờ do ờ dă gùng lòt tàm koèl kơh Lò Xo. Tàm hơ\, pal đơs tus broă pờ ơnàng gùng lòt tàm ală gơl koèl; lơh ală taluy kơl dang, taluy lơbơn 2 gah gùng di mờ tơl bă tiah, kơlôi sơnơng, geh kơrnoat kơryan gơ wèt mờ cau ma\y rơndeh, ngan là cau ma\y rơndeh pơn diang na\c bè khà ntoat rat mờ tơngai lòt gan tàm koèl kơh…

Tềng đap mat nàng gàr niam ờ do ờ dă gùng lòt, Cục atbồ gùng lòt 3 pơn jat tai lơh mờ bơtơl tai ală jrong tơp, kbàng yal, lơh taluy, tiah ơm rlô nàng cau ma\y rơndeh in rơlô să mờ geh tu\ sền wơl rơndeh nàng kơryan bơta digơlan gơbàn rềs àr

Ală broă lơh pa đơs kờ` pal geh lơh ngan mơya ờ hềt tơl nàng tơrmù rềs àr. Geh dùl bơta kuơ màng tai kờ` pal lơh niam, hơ\ là tơnguh uă bơta g^t wă mờ bơta chài bơh cau ma\y rơndeh dê. Khi là cau atbồ màng kis bơh să tờm khi dê mờ uă cau ndai tàm rơdeh tu\ ma\y rơndeh lòt gan koèl kơh.

Cau mblàng K’ Hạnh