VOV4.K’ho- Tơngkah 43 nam Ngai tơngklàs jơh gùt tiah đah jum, tơrgùm dùl dà lơgar, ngai 30/4 pa do, tàm Tiah tềl kah yau Dà lơgar kuơmàng Bàr gah dà dờng Hiền Lương- Bến Hải, càr Quảng Trị yu\ rơyùm bơyai lơh Dơ\ kơ\t bùng bi Tơrgùm dùl ù tiah dà lơgar.

Bơyai lơh Dơ\ kơ\t bùng bi Tơrgùm dùl ù tiah dà lơgar

Tàm săp ntas gùng đơs crih Quốc ca pràn kơldang, uă ngan cau năc jà bơh Dà lơgar mờ kuang bàng, cau ling bal mờ làng bol càr Quảng Trị neh ki ngàm sền go\ bal bùng bi pơrhê sơma` rơmi\t geh hoài guh tus bồ Tơrnhang kah kơrlôi Hiền Lương kah yau.

Bơh tơnơ\ Hiệp định Geneve geh ki\ hơ nhai 7 nam 1954, rbàng Hiền Lương, dà dờng Bến Hải, càr Quảng Trị gơ gơs là tiah nhàr koh gơl 2 đah ù tiah dà lơgar tàm sùm 21 nam. Tiah do neh gơ gơs là tiah nhàr lơgar bơh Đah tô xã hội chủ nghĩa dê, bal mờ làng bol gùt lơgar mu\t tàm dơ\ tam lơh sền gàr tam dră mờ bol sò tơm Mỹ lơh aniai tiah đah tô dà lơgar mờ tus dong kờl ai tiah đah jum dà lơgar in tam lơh ai geh bơta lơngăp lơngai is mờ tơrgùm dùl dà lơgar.

Dơ\ lơh chờ bài chòi chờ hờp chờ hờn tàm dơ\ bơyai lơh Dơ\ kơ\t bùng bi Tơrgùm dùl ù tiah dà lơgar

Bùng bi pơrhê sơrma` rơmi\t gơklo\ ồs mờ mhàm đah kềng dà dờng do ngan là bơta pin dờn, bồ tơngoh, là bơta pràn ờ tu\ lơi dơrcul nùs bơh làng bol he dê tàm rài tam lơh mờ bol sò tơm Mỹ. Tơnơ\ dơ\ kơ\t bùng bi, neh lơh uă broă lơh niam chài tàp pràn să jan, bè: Nhơl bài chòi, tàm pơrlòng was plung tàm dà dờng Bến Hải gơhòi gơ jà git nđờ jơ\t rbô nă làng bol mờ năc lòt nhơl tus sền.

Cau mblàng - Lơ Mu K’Yến