VOV4.K’ho- Tàm jơh dùl rài kis lơh broă kăc màng, tàm gơnoar broă lơi, ồng Đỗ Mười kung sùm lơh gơs jak ngan kơnòl broă kơn jơ\ kơn ju\t ngan tềng đap Đảng, tềng đap Dà lơgar mờ làng bol, sùm gàr nùs nhơm kơ\ dơn, nùs nơm jak chài bơh cau cộng sản dê, sùm jơh nùs jơh tồr tài dà lơgar, tài làng bol.

Tih dờng tàm bơta geh ngan lơh broă kăc màng

Là dùl nă klau pơnu kờ` gơboh dà lơgar gờ` đal gi\t kăc màng, nam 19 sơnam, ồng Đỗ Mười tus lơh broă tàm srơh Mặt trận bình dân.

Nam 1939, ồng mu\t Đảng Cộng sản Đông Dương. Nam 1941, ồng gơtìp bol sò tơm Tây ku\p mờ jàm 10 nam tàm hìu jàm Hoả Lò, Hà Nội.

Nhai 3/1945, ồng dô bơh hìu jàm mờ pơn jat tai lơh broă kăc màng, lơh broă tàm Tỉnh ủy Hà Đông, să tờm tơn đơng lam dơ\ Ntàu tam lơh dờng ai geh gơnoar atbồ tàm Hà Đông.

Ồng Đỗ Mười neh at uă gơnoar broă tàm Đảng mờ gơnoar atbồ, bơh Bí thư kấp ủy tàm bàr pe càr tiah ring đah tô dà lơgar mờ Khu ủy mơkung là Chủ tịch Ủy ban tam lơh hành chính mờ Chính ủy Tư Lệnh Liên khu III; Bí thư Khu ủy mơkung là Chủ tịch Ủy ban tam lơh mờ Chính ủy Tư lệnh khu Tả Ngạn dà dờng Hồng tàm rài tam lơh mờ bol sò tơm Tây sơgràm phà, tus di tu\ at bồ bàr pe bộ gah sơnah lơh broă dà lơgar, uă nam tus bal đơng lam Chính phủ mờ dờp at gơnoar broă Tổng Bí thư  bơh Đảng. 

Ồng kung là kuang bàng Quốc hội khóa II, IV, V, VI, VII, VIII, IX.

Tih dờng bơh dùl nă công nhân, mờ bơta jơh nùs kăc màng gơ hòi gơ jà ngan, mờ tơryang tai bơsram, kơlôi sơnơng cribơyai, sền tàm bơta geh ngan neh lơh geh ồng Đỗ Mười in bơta gi\t wa\ jrô ngan bè gah broă lơh bal mờ dùl bồ tơngoh ngac ngar ngan mờ bơta jak boh bơr, gơhòi gơ jà lơh gơkờ` ngan jơh tơl nă cau lơh bal.

Lơh uă broă lơh, bal mờ ală nam nhai bòl glar kal ke tàm ală tu\ tơngai bơtàu tơnguh bơh dà lơgar dê neh bơsram tàp ồng Đỗ Mười gơ gơs là dùl nă kuang đơng lam bồ geh nùs kơ\ dơn, dùl nùs, jak chài, sơrbac mhar ngan, bơr đơs tê lơh mờ tam klac rềp mềl ngan mờ làng bol.

Bơh lồi ală nam 1970 tus gùl ală nam 1980 bơh rài lài dê, rài lơh sa lơgar he tàm bơta tung lơtăng jo\ jòng, gơmù khà priă gơguh uă, lơh sa ờ gơtùi. Broă tam gơl cơ chế atbồ tơnguh uă cồng nha bơh rài lơh sa dê, tam gơl rài kis làng bol là kơnòl broă kal ke ngan gi\t lơh, tàm uă broă ngan ngồn, bè là dơ\ tam dră bè nùs nhơm bơtàu tơnguh gơ sồr bơta lơh ngan jơh nùs chính trị uă ngan.

Mờ kơnòl broă là Phó Chủ tịch hơ\ sồng guh lơh Chủ tịch Hội đồng Bộ trưởng, ồng Đỗ Mười neh bal mờ uă kung bàng đơng lam bồ mờ ală kuang bàng lòt sền ngan ngồn tàm [òn lơgar, kơlôi sơnơng jòi sền bơh bơta geh ngan, dan mờ Đảng mờ Chính phủ uă gùng dà broă lơh bơceh pa tàm broă đơng lam atbồ nàng lơh ală broă lơh kuơmàng bè ngui niam bơta làng bol lơh tờm tàm lơh sa, hời rơhời tam gơl pa broă lơh bơtàu tơnguh lơh sa.

Kơnờm bè hơ\, ală kal ke bơh rài lơh sa dê rơhời geh tă bơsong, lơh sa mờ rài kis làng bol dê ngai sơlơ tam gơl niam. Jat tàm bơta ngui niam bơta pràn is tàm lơgar, Việt Nam neh kơryan geh gơmù khà priă sơrbac mhar ngan bơh 774% nam 1986 gơmù gam 34% nam 1989, mờ 14% nam 1992.

Pơn rơ niam bè nùs nhơm, broă lơh mờ ơnàk jak kac màng

Ồng Đỗ Mười là dùl kuang đơng lam bồ jơh nùs ngan kờ` cau bơt bơtàu he. Ồng lòt uă tiah, iăt uă jơnau, sền sră uă mờ lơh geh nùs nhơm cribơyai duh hồl ngan tàm ală dơ\ pơrjum dà lơgar mờ jơh bal ală dơ\ pơrjum tàm kơnă hơ đơm.

Ồng kung là cau tă pơgồp uă ngan ai Nghị quyết bơh dà lơgar dê bè bơt bơtàu kơrnoat làng bol lơh tờm kơnă hơ đơm. 

Bulah at gơnoar tàm gơnoar broă lơi bal mờ jơh bal mờ tu\ ồng neh ơm  lơh broă, ồng kung sùm gàr să tờm he dê kuèng mờ broă sền sră, iăt jơnau tơng^t nàng g^t ală jơnau g^t wă mờ g^t loh ală bơta.

Tàm tơngai at gơnoar broă Tổng Bí thư Đảng, mờ bơta mờng chài lila ngan, ồng neh bal mờ Mpồl Ban Chấp hành dà lơgar, Bộ Chính trị, Ban Bí thư tàm klăc bal, tơrgùm dùl, đơng lam, sồr lam gùt Đảng, gùt làng bol mờ gùt mpồl ling he dê pơn jat tai lơh jat gùng dà broă lơh tam gơl pa, bơt bơtàu mờ sền gàr dà lơgar, lơh gơs niam kơnòl broă mờ Đảng, Dà lơgar mờ làng bol jàu.

Ồng là cau sùm sền gròi tus broă bơto pơlam kuang bàng ai Đảng mờ Dà lơgar in. Gơ wèt mờ ồng, kuang bàng pal geh pơlam tàp mờ dờng pràn bơh broă lơh ngan ngồn bơh Kac màng dê nàng tơngo\ bơta pràn jak kung bè bơta pràn chính trị. Mờ nùs nhơm jơh nùs, jơh tồr mờ kơnòl broă bơh dùl nă kuang đơng lam bồ lòt lài, ồng sùm jơh nùs dong kờl, bơto yal ală bơta mờng chài tàm broă đơng lam, sồr lam ai ală rnàng tơnơ\ in.

Rềp mềr mờ làng bol, sền gròi tus rài kis bơh ală rnàng làng bol là ơnà, là nùs nhơm geh is tàm să jan bơh ồng Đỗ Mười dê. Ồng sùm rềp mềr rcang bơh bơr mờ làng bol, iăt  mờ g^t wă nùs nhơm, bơta kơ\p kờ` bơh làng bol dê; sùm kơlôi bè gùng dà broă lơh , chính sách nàng sền gàr gơnoar kuơ mờ tơnguh uă bơta niam ai rài kis làng bol in

At gơnoar broă là Tổng Bí thư Đảng, bulah uă broă ngan mơya ồng kung lời tu\ tơngai sền sră pơyoa bơh làng bol dê, đơng lam broă wă làng bol, sền do là dùl kơnòl broă pal lơh sùm bơh kuang đơng lam ală cấp ủy Đảng  mờ gơnoar atbồ dê. 

Kuơ màng ngan là sền gròi tus ală cau geh màng mờ dà lơgar, hìu bơnhă chính sách, ồng Đỗ Mười neh sồr jờng rơ pà Sơn đan khà Dà lơgar Mè Việt Nam khin cha jak chài, ai tai dùl broă lơh kah ưn ngài, kis g^t jơnau g^t adat ngan ngồn, geh kuơ bơto bơtê mờ bơta kuơ màng bơto bơtê niam bơne\ tàm mpồl bơtìan

Cih dờp ală tă pơgồp dờng màng bơh ồng Đỗ Mười dê, ngày 28/4/2018, Tổng Bí thư Nguyễn Phú Trọng tus còp, chờ gờm mờ pà Huy hiệu 80 nam sơnam Đảng ai ồng Đỗ Mười in. Tổng Bí thư Nguyễn Phú Trọng đơs tờm: “Do là bơta chờ hờp dờng màng ngan bơh să tờm ồng mờ hìu bơnhă ồng dê, mờ là bơta pơn ìơ să bơh Đảng mờ neh pơlam tàp gơs ală cau ling cộng sản jơh nùs, jơh tồr mờ ồng Đỗ Mười là cau pơn rơ jak ngan, àng sơdah ngan nàng ală rơnàng kuang bàng, cau geh Đảng pal bơsram mờ lơh jat” 

Tơngăc Tổng Bí thư Đỗ Mười!  Dà lơgar mờ làng bol sùm kah tus rùp să bơh cau ling cộng sản pơnrơ jak, rềp mềr, jơh nùs jơh tồr mờ kac màng, jơh nùs jơh tồr mờ Đảng mờ jơh nùs jơh tồr mờ làng bol .

Cau mblàng Lơ Mu K’Yến mờ K’Hạnh