VOV4.K’ho - Pơrjum ni sơna dơ̆ sơnrờp, Quốc hội khoă 15 geh bơyai lơh tàm Hìu Quốk hội, càr lơgar Hà Nội tàm ngai 04/1/2022 mờ tơn jơh tàm ngai 11/1/2022. Tài bơta kòp Kovid-19 gơtờp mờ lơh kal ke, Quốk hội pơrjum pờ tơlik tàm internet jơh tơn pơrjum do bơh Hìu Quốc hội tus mờ 62 mpồl kuang bàng ala măt Quốk hội ală càr, ƀòn dờng.

Do là jơnau yal geh ai tơlik tàm dơ̆ pơrjum ƀăp bè broă kờp dŭ geh lơh tàm pơrjum ni sơna dơ̆ sơnrờp, Quốk hội khoă 15. Tàm pơrjum ni sơna do, Quốk hội cri bơyai mờ kờp dŭ ring bal Adăt tam gơl, bơtơl ờ uă bơta bơh 8 adăt dê. Nghị quyết tơrlòng ờ uă kơ cế, broă lơh krơi is tơnguh bơtàu ƀòn dờng Cần Thơ; Nghị quyết bè nam priă jền, priă dong kờl lơh jăt broă brồ guh mờ tơnguh bơtàu lơh sa mpồl bơtiàn; Nghị quyết bè gùng dà bơcri priă Rơndăp broă bơ̆t bơtàu broă lơh gùng ntoăt jờl đah tô-đah jum hờ đah măt tơngai lik tơngai bơh nam 2021 tus 2025.

Cau mblàng Ndong Brawl