VOV4.K’ho- Dơ̆ pơrjum tìp măt tơngkah kir sơnrai 43 nam tam lơh pha lin tam lơh tiah nhàr lơgar tiah đah jum măt tơngai mŭt mờ bal mờ ling klàng mờ làng bol Campuchia tam lơh jai pha mờ rài ătbồ gơ sơ̆t rung kòn bơnus tàm lơgar Campuchia ngai 07/01 neh geh lơh ngai 07/01 tàm nùs nhơm gĭt gơ̆p lơh bơyô bal niam bơnĕ ngan, bal mờ bơta geh măt bal bơh ală cau lài do là kwang bàng, cau ling lơh broă dong kờl is lơgar Việt Nam dê dong cau bơyô Campuchia, ală cau bơsram dờng Campuchia gam bơsram tàm ƀòn dờng Hồ Chí Minh.

Broă lơh bơh Tơrgùm ală mpồl gĭt gơ̆p lơh bơyô bal ƀòn dờng Hồ Chí Minh dê bơyai lơh. Đơs tàm dơ̆ pơrjum tìp măt, Tổng lãnh sự lơgar Campuchia tàm ƀòn dờng Hồ Chí Minh ồng Sok Dareth đơs nền: Đảng, Dà lơgar, làng bol mờ ling klàng lơh broă dong kờl is lơgar Việt Nam dê neh dong kờl mờ phi să jơh ală bơta nàng lơh jăt kơnòl broă dunia, dong làng bol Campuchia lik klàs bơh rài ătbồ gơ sơ̆t rung kòn bơnus tàm ngai 07/01/1979 mờ pơn jăt tai gàr sùm bơta geh măt tàm lơgar Campuchia nàng dong kơryan bơta tus wơl bơh rài ătbồ gơ sơ̆t rung kòn bơnus dê, kung bè dong kờl jơh ală bơta tàm broă bơ̆t bơtàu wơl mờ bơ̆t mòn wơl lơgar Campuchia. Làng bol Campuchia sùm kah dà kơlhề kwơmàng do, mờ sùm cih kah là ngai 07/01 là “ngai kis wơl dơ̆ 2”. Do là jơnau song bơh jơnau kah yau dê mờ ờ geh cau lơi rơgơi đơs tìs, đơs bu ba ờ di halà hŭi tĕ ờ.

Cau mblàng Lơ Mu K’Yến