VOV4.K’ho – Di tơngkah 87 nam ngai bơhìan Mặt trận dà lơgar Việt Nam, mho òr (15/11), rlau 100 hìu nhă làng bol kòn cau Jeh Triêng tàm [òn Đak Răng, xã tiah nhàr dà lơgar Đak Dục, kơnhoàl Ngọc Hồi, càr Kontum bơyai lơh ngai chờ tam klac dờng gùt jơi bơtiàn.

Tus bal ngai chờ mờ làng bol tàm [òn geh mò Trương Thị Ngọc Ánh, Phó Chủ tịch Ủy ban Mặt trận dà lơgar Việt Nam. Lơh jat nùs nhơm tam klac dờng gùt jơi bơtiàn, nam lài, làng bol [òn Đak Răng neh pơgồp bal bơta pràn, dùl nùs bal bơt bơtàu [òn lơgar pa mờ dong kờl bal mờ gơp bơtàu tơnguh lơh sa.

Bal mờ git nđờ jơt lồ chi tam bè kau su, kơphe, bời lời, bùm blàng… ai cồng nha tơnhàu mờ bơta niam uă, làng bol tàm [òn gam dờp còr bơ sơt rlau 60 lồ kau su bơh Kong ti Kau su Kontum dê, gàr niam cồng nha 3 broă lơh lơh bal là ròng kơn rồ krơ\ tàm wàng, tam kòi sơntìl pa mờ ròng sur lơh poac ai priă jền lơh geh kờp bal tàm dùl nă cau bơh 24 tơlak tus 25 tơlak priă. {òn mìng gam 7 hìu nhă r[ah, mờ 4 nơm hìu ing.

Jơh ală hìu nhă tàm [òn geh dờp là hìu nhă ngac ngar jak chài. Tàm ngai chờ, mò Trương Thị Ngọc Ánh neh bal mờ làng bol [òn Đak Răng kah wơl bơhìan 87 nam Mặt trận dà lơgar Việt Nam, mờ bơta pràn là bơta tam klac bal jơh ală rơnàng làng bol, ờ tam cah is cau kơnòm să halà cau kra, cau klau halà cau ùr, ờ tam cah is bơta pin dờn jat yàng, kòn cau, ờ tam cah is cau Việt Nam tàm lơgar halà tàm lơgar ndai.

                                                             Cau cih mờ yal tơnggit K’Duẩn