VOV4.K’ho- Broă lơh kuang bàng là tơngume tờm bơh 2 ngai lơh broă lồi dŭt tơnơ̆ tŭ Quốc hội tơn lơyah broă lơh pơrjum dơ̆ 1 pe ngai.Tàm drim ngai do 26/7 tơn, Ủy ban Thường vụ Quốc hội yal cồng nha cribơyai tàm Mpồl mờ mblàng, iăt, kơno jơnau đơs bơh Kuang bàng Quốc hội dê bè kờp dŭ broă lơh kuang bàng nàng pồ Chủ tịch lơgar. Cau geh yal tơngĭt là ồng Nguyễn Xuân Phúc-Chủ tịch lơgar gam at gơnoar broă. Tơnơ̆ tŭ cribơyai, Quốc hội pồ Chủ tịch lơgar mờ broă lơh đùh sră ndơ̆p, yal tơn tơnơ̆ hơ̆ mờ Chủ tịch lơgar pa yal bơr guh at gơnoar broă.

Ală Kuang bàng Quốc hội đùh sră pồ tơl Kuang bàng tàm pơrjum dơ̆ 1

Pơn jat broă lơh Kuang bàng, Chủ tịch lơgar yal mat ală Kuang bàng geh yal tơngĭt nàng Quốc hội in pồ lơh Thủ tướng Chính phủ, pồ Phó Chủ tịch lơgar, Kuang atbồ Anih cih rơña làng bol dờng ngan rlau jơh dà lơgar, Kuang atbồ Viện Kiểm sát làng bol dờng ngan rlau jơh. Cồng nha cribơyai tàm mpồl bè kờp dŭ broă lơh kuang bàng ai ală gơnoar broă geh Ủy ban Thường vụ Quốc hội yal tàm dơ̆ lơh broă mho do lài mờ tŭ Quốc hộ pờ tê ring bal mat kuang bàng nàng pồ.

Cau mblàng K’Hạnh