VOV4.K’ho - Pơn jăt tai broă pơrjum dơ̆ sơnrờp, Quốc hội khoă 15, bồ jơ drim do, Chủ tịch Quốc hội ồng Vương Đình Huệ geh jơnau đơs tềng đăp Quốc hội di ngai Cah ling sồt să – Cau ling chơ̆t màng (27/07).

Tàm drim do, Quốc hội cri bơyai tàm hìu pơrjum dờng bè gùng dà bơcri priă ală broă lơh jăt jơnau kờñ dà lơgar tơmù rơƀah kơl jăp mờ bơ̆t bơtàu ƀòn lơgar pa tơngai bơh nam 2021 tus 2025. Pal kah ngan, tơngu me mho do, ală kuang bàng Quốc hội cri bơyai tàm hìu pơrjum dờng bè ală broă rơndăp lơh priă jền; broă rơndăp lơh càn priă, tơm priă dồs dà lơgar mờ broă rơndăp lơh bơcri priă di mơ tơngai bơh nam 2021 tus 2025.

Kung bơh 5 jơ mho ngai do, Quốc hội pơrjum bơdìh jơ, pờ tê ring bal Nghị quyết bè rơndăp broă tơnguh bơtàu lơh sa mpồl bơtiàn 5 nam bơh nam 2021 tus 2025. Pờ tê ring bal Nghị quyết bè broă bơ̆t bơtàu adăt boh lam, kơrnoăt sồr nam 2022, lơh niam wơl broă bơ̆t bơtàu adăt boh lam, kơrnoăt sồr nam 2021 mờ pờ tê ring bal ală nghị quyết bè broă crơng gơs Mpồl kuang bàng gròi sền jăt broă lơh bơh Quốc hội nam 2022.

Cau mblàng Ndong Brawl