VOV4.K’ho- Drim do (28/8), tàm Hà Nội, geh lơh Pơrjum dờng cau ala mat gùt lơgar mpồl cau lơh sa kă bro kơnòm să Việt Nam dơ\ 6 (tơngai lơh broă bơh nam 2018- 2021). Rlau 700 nă cau lơh sa kă bro kơnòm să pơnrơ ala mat ai rlau 10 rbô nă cau tàm mpồl in lòt pơrjum.

Tàm dơ\ pơrjum, ală cau ala mat geh sền wơl cồng nha broă lơh Mpồl cau lơh sa kă bro kơnòm să Việt Nam tàm tơngai lơh broă pa do, bơ\t bơtàu gùng dà broă lơh tàm tơngai lơh broă bơh nam 2018- 2021 mờ pồ Ủy ban Mpồl cau lơh sa kă bro kơnòm să Việt Nam khoá 6.

Tàm tơngai lơh broă lài, mpồl cau lơh sa kă bro kơ nòm să Việt Nam neh crơng gơs tàm jơh 63 càr mờ [òn dờng tàm gùt lơgar bal mờ rlau 10 rbô nă cau tàm mpồl. Là tơrgùm bal mpồl cau lơh sa kă bro, mpồl lơh sa kă bro khà dùl, geh khà bơtàu tơnguh cau tàm mpồl mờ ală mpồl cau lơh sa kă bro sơrbac mhar ngan rlau jơh, broă lơh duh hồl mờ lam lài ntàm uă gah broă lơh bơh rài lơh sa Việt Nam dê.

Ală mpồl lơh sa kă bro bơh cau tàm mpồl dê gam lơh geh broă lơh ai rlau 3 tơlak nă cau lơh broă in, kờp jơh priă lơh geh bơh lơh sa kă bro pah nam geh rlau 25 tơmàn dolar Mỹ.

Cau mblàng Lơ Mu K’Yến