VOV4.K’ho- Tàm dơ̆ pơrjum băo bè jơnau kờp dŭ lài broă lơh pơrjum dơ̆ 1 Quốc hội khoá 15, ồng Bùi Văn Cường- Tổng thư ký Quốc hội pà gĭt: kòp Covid-19 gam gơlik geh kal ke tàm uă tiah, mơya, jat adat cih lơyài ngan rlau jơh 60 ngai tơnơ̆ dơ̆ tĕ khà pal lơh pơrjum dơ̆ 1 bơh Quốc hội khoá pa dê. Tờm ngan bơh dơ̆ pơrjum dê là pồ tơl Kuang bàng kấp dờng màng dà lơgar den ală Kuang bàng geh pơrjum tơrgùm bal, lơh dơ̆ đùh sră ndơ̆p. Pơrjum geh sơnđờm mut pơrjum tàm ngai hìng 20/7/2021 tàm Hìu Quốc hội mờ tơn jơh pơrjum tàm ngai 31/7/2021, tơn lơyah wơl 5 ngai pơndrờm mờ jơnau kờp dŭ lài.

Tổng Thư ký Quốc hội ồng Bùi Văn Cường đơng lam dơ̆ pơrjum băo

Pơrjum dơ̆ do, geh gơnoar broă kuơ màng, lơh bơnàng jă ai broă lơh bơh Quốc hội khoá 15 dê, tàm hơ̆ geh tơngume Quốc hội lơh dơ̆ pồ, ring bal pồ tơl Kuang bàng ală gơnoar broă đơng lam bơh ală anih lơh broă dà lơgar dê; sền sơwì, cribơyai ală jơnau yal bè lơh sa- mpồl bơtiàn mờ lơh nền bàr pe broă kuơ màng ndai.

Cau mblàng K’Hạnh