VOV4.K’ho- Tàm [òn dờng Dà Làc, càr Lâm Đồng dê gam geh lơh Ngai Kơphê Việt Nam dơ\ dùl. Broă lơh do bơh Hiệp hội kơphê ka kau Việt Nam, Bộ Nông nghiệp mờ Phát triển nông thôn bal mờ Mpồl đơng lam Tây Nguyên dê bơyai lơh.

                                 Sơnđờm lơh Ngai kơphê Việt Nam dơ\ dùl

Mờ tơngume “Rài bơtàu tơnguh pa bơh gah lơh kơphê Việt Nam dê”, Ngai Kơphê Việt Nam dơ\ dùl nam 2017 geh lơh tàm 3 ngai, bơh ngai 9 tus ngai 11/12, tàm hơ\ geh ală broă lơh tờm, bè: cribơyai dunia bè rài bơtàu tơnguh pa bơh gah lơh kơphê Việt Nam dê, mờ bơta tus bal bơh ală kuang bàng ala mat tus bơh uă lơgar tam mờ kă bro kơphê tàm dunia dê; broă lơh ràng tơlik, yal tơngi\t ală phan bơna kơphê niam bơkah tus bơh ală tiah tam kơphê tiơng pơnrơ ngan tàm gùt lơgar dê; lòt còp, yal tơngi\t ală broă lơh tam, lơh gơlik kơphê cồng nha mờ bơta niam bơkah uă tàm ù tiah càr Lâm Đồng dê; yal tơngi\t rơndăp broă lơh, lơh broă bal đah dà lơgar mờ làng bol tàm bơtàu tơnguh bơh gah lơh kơphê Việt Nam dê.

                                                      Cri bơyai kơphê

Jơnau yal tàm pơrjum cri bơyai rài tơnguh bơtàu pa bơh gah lơh kơphe Việt Nam, gùt lơgar tu\ do geh 645 rơbô lồ ù tam kơphe, tăc mờ lơgar ndai nam 2016 là 1 tơlăk 79 rơbô tấn, geh 3 tơmàn 300 tơlăk đôlar Mỹ, tàm hơ\ kơphe neh coh lề mờ klài geh rơlao 10% kờp jơh priă lơh geh, mơya mùl màl broă lơh mờ kă bro kơphe gam gơbàn uă bơta kal ke.

Bă ù tam kơphe neh kra geh khà uă, broă tam wơl ờ hềt kơl jăp, ală bơta lơh gơs ing, prăp gàr, prăp ing kơphe gam ờ pràn, ờ geh broă pơgồp bal bơh ală anih lơh sa kă bro mờ làng bol tam kơphe, gam lơh bơta kuơ bơh broă lơh gơs phan kă bro ờ hềt uă.

Tài ờ hềt geh broă lơh tơl ală bơta tàm broă chồl pràn tăc mờ lơgar bơdìh, den tàng kơphe lơgar Việt Nam ờ hềt tơnguh jơh bơta kuơ is kờ` tơnguh bơta pràn tam pơlòng tàm drà kă bro.

Cau cih mờ yal tơngi\t- Lơ Mu K’ Yến - K’ Hạnh - Ndong Brawl