VOV4.K’ho- Ngai do, 08/4, là ngai lơh broă lồi dŭt bơh pơrjum dơ̆ 11, Quốc hội khóa 14. Ƀùi drim, Quốc hội lơh ală sră nggal ring bal sồr broă pồ bàr pe Phó Thủ tướng Chính phủ, bàr pe Bộ trưởng mờ Kuang bàng ndai bơh Chính phủ dê. Kuang bàng Ủy ban Thường vụ Quốc hội mò Nguyễn Thị Thanh, ala mat Ủy ban Thường vụ Quốc hội, yal cồng nha cribơyai tàm Mpồl bè jơnau sồr ring bal broă pồ bàr pe Phó Thủ tướng Chính phủ, bàr pe Bộ trưởng mờ kuang bàng ndai tàm Chính phủ.

Pơrjum dơ̆ 11, Quốc hội khóa 14

Thủ tướng Chính phủ ồng Phạm Minh Chính yal mờ Quốc hội in bè broă mblàng yal, iăt kơno jơnau đơs bơh Kuang bàng dê lài mờ tŭ Quốc hội ring bal sồr broă pồ mờ broă lơh đùh sră ndơ̆p. Tơnơ̆ tŭ yal cồng nha sền sră đùh, Quốc hội cribơyai, pờ tê ring bal Nghị quyết ring bal broă pồ bàr pe Phó Thủ tướng Chính phủ, bàr pe Bộ trưởng mờ Kuang bàng ndai bơh Chính phủ dê.

Cau mblàng K’ Hạnh