VOV4.K’ho – Geh càn priă nàng bơcri lơh sa bơh ală ngân hàng là bơta kal ke tus mờ làng bol lơh broă sa, ngan là tàm tiah sar lơgar ngài. Kuơ màng, tềng đap bơta geh ngan càn priă sa priă cồng uă bơh cau dùl nă să is dê neh lơh uă hìu bơnhă làng bol tàm Tây Nguyên roh hìu đam, ù tiah…

Kờ` bơsong bơta do, tơngai pa do, Ngân hàng Nông nghiệp mờ Phát triển nông thôn Daklak neh geh bơta tam gơl niam, bè lơh niam wơl sră nggal lơh broă, crơng gơs mpồl lơh sră càn priă làm bă tiah tus ală [òn, ală broă lơh do bơh sơn rờp neh dong làng bol lơh broă sa tiah sar lơgar ngài, tiah làng bol kòn cau geh càn priă [uơn [ùai nàng bơcri lơh sa, bơtàu tơnguh lơh sa, gàr niam rài kis:

Ală ngai do, làng bol kòn cau Rơđê tàm [òn Kam, xã Dak Liêng, kơnhoàl Lak gam tơwès kòi kàl prang. Bi H’Kó Bdap pà git: Làng bol tàm [òn cau lơi kung chờ hờp lơm, tài tơnhàu kòi geh uă mờ tac den yòm tai. Tàm lo\ sre, khà priă tac kòi là 6 rbô 800 đông tàm 1 ki\, jơnhua rlau mờ nam lài mờr 1 rbô tàm 1 ki\. Hìu bơnhă bi H’Kó Bdap lơh sre ờ uă, mơya geh bơta chờ hờp bơh priă lơh geh ndai kung bơh lo\ sre sơl. Hơ\ là ùr bơklau bi pa blơi mai\ tơwès kòi. Bi H’Kó Bdap pà git:Pah ngai, mai\ tơwès rlau 1 lồ kòi. Tơnơ\ tu\ kờp jơh priă xăng, priă ơpah cau, ùr bơklau bi dê lơh geh 1 tơlak 500 rbô:

“Agribank dong kờl ai hìu bơnhă in càn priă nàng blơi rơndeh do. {uơn ngan tàm broă tơwès kòi làng bol tàm [òn mờ hìu bơnhă in, nàng gơtùi thàn tàm kàl lơh sa, gơtùi pleh bơta mìu nhàc dà ko\ dà cò lơh aniai, mơkung tơnguh priă lơh geh hìu bơnhă in.”

Ồng Nguyễn Hữu Xuân, Kuang atbồ Ngân hàng Agribank kơnhoàl Lak pà git: Tu\ do, khà jơngkah dồs bơh ngân hàng do dê là 600 tơmàn, mờ 4 rbô 800 hìu bơnhă càn, tàm hơ\ 80% là làng bol kòn cau. Làng bol càn priă uă ngan là bơcri tàm broă lơh sa suơn sre, mùl màl là blơi phơng sih sơngka sền gàr suơn kơphe mờ lo\ sre. Tàm khà mờr 5 rbô hìu bơnhă càn, jơh ală ndrờm ngui priă càn geh cồng nha, mìng geh 151 nă cau lời priă dồs rlau mờ tơngai pơrgon tơm tài bơh broă lơh sa gơtìp trồ tiah lơh aniai.

Jat ồng Lê Thế Anh, Phó Chủ tịch UBND xã Dak Liêng, tàm khà 2 rbô 457 hìu bơnhă làng bol xã dê den tu\ do geh tus 1 rbô 137 hìu bơnhă r[ah, geh mờr 50% khà hìu bơnhă r[ah, uă ngan là ală hìu bơnhă làng bol kòn cau. Ală hìu bơnhă r[ah gơwèt là cau geh càn priă bơh Ngân hàng Chính sách xã hội dê. Mơya priă càn do ờ tơl nàng ai càn jat jơnau kờ` làng bol dê, den tàng Ngân hàng Nông nghiệp mờ Phát triển Nông thôn kơnhoàl Lak là anih càn priă geh uă ngan làng bol lơh broă sa tàm xã càn. Bu\lah bè hơ\, tài ù tiah dờng ơnàng mờ broă lơh sa làng bol dê lơh jat kàl, jơnau kờ` càn priă tơr gùm uă ngan tàm dơ\ le\ bal. Do là bơta lơh gơbàn kal ke tàm broă tă priă ai càn. Ồng Lê Thế Anh đơs:

“Ờ mìng tàm xã Dak Liêng mờ ală hìu bơnhă làng bol tàm kơnhoàl Lak kung geh jơnau kờ` càn priă uă ngan. Bè bơta pràn, bè cau lơh broă ngân hàng tàm do dê, den go\ cau lơh broă ờ huan uă, den tàng broă lơh jat jơnau kờ` bè tu\ tơngai càn priă làng bol dê geh tu\ kung gơtìp lơỳai, jơnau là tài cau lơh broă ờ hềt gơtùi lơh jat jơnau kờ`, tài ờ tơl kuang bàng sền sơwì sră nggal dan càn priă mờ kuang bàng tă priă ai càn. Bè bơta sră nggal càn den tu\ do neh lơh niam wơl sră nggal lơh broă, mờ sră nggal càn priă kung mhar rlau. Bu\lah bè hơ\, kung gam ờ uă bơta kal ke dềt, kơp kờ` kuang đơng lam kấp hơđang, ngân hàng dà lơgar geh sră cih mat, sră nggal pal lơyah rlau tai nàng làng bol in [uơn rlau tai tàm broă lơh sră càn priă ngân hàng.”

{òn Phao, xã Cư Mta, kơnhoàl M’Drak là [òn geh 100% làng bol kòn cau Rơđê. Mìng kờp is nam lài, neh geh 35 hìu bơnhă càn priă tàm Ngân hàng Nông nghiệp mờ Phát triển nông thôn kơnhoàl M’Drak, mờ priă càn là 1 tơmàn 450 tơlak nàng tam tàu. Ồng Y Hin Ksơr, atbồ [òn Phao pà git, tu\ do [òn geh 80 lồ tàu. Ù do lài do làng bol tam tơngời, tam bùm blàng neh gơbàn klàr, ờ niam tai, tu\ do càn priă ngân hàng dê nàng bơcri tam tàu. Do là kàl tơnhàu tàu sơn rờp [òn dê, kờp bal 1 lồ kàl do lơh geh 42 tơlak:

“A` sơnđan là Y Hin Ksơr, là cau atbồ [òn Phao. A` neh càn priă bơh Ngân hàng nông nghiệp dê nàng bơcri lơh mìr, blơi kơn rồ, blơi phơng sih nàng sơngka sền gàr suơn tàu in, kờ` bơtàu tơnguh lơh sa, gàr niam rài kis.”

Y Him Ksơr, ơm tàm [òn Hoang, xã Krông Jing, kơnhoàl M’Drak pà git, nam lài, hìu bơnhă ồng dê kung càn priă bơh Ngân hàng Nông nghiệp mờ Phát triển nông thôn kơn hoàl M’Drak dê 100 tơlak. Priă càn do geh ai di tu\ hìu bơnhă gam kờ` priă nàng rề ơnàng lơh sa, den tàng geh kuơ ngan:

“Ngân hàng kung dong kờl ai a` in càn 100 tơlak. Priă càn hơ\ a` ngui nàng blơi 3 nơm kơn rồ, hơ\ sồng lơh wàng ròng sur, lơh pơng gàr. Gam jơngkah den a` blơi phơng nàng ơn tờm tàu, ơn kòi in nàng geh cồng nha tơnhàu uă. A` chờ hờp ngan tài ngân hàng neh sền gròi bè hơ\. Tơnơ\ do a` geh lơh ngan nàng tơm jơh priă càn hơ\ nàng ngân hàng pin dờn he.”

Kờ` ai geh bơta [uơn rlau tai làng bol lơh broă sa in càn priă, ồng Nguyễn Đình Diệu, Kuang atbồ Ngân hàng Nông nghiệp mờ Phát triển nông thôn kơnhoàl M’Drak pà git, mờr tus ngân hàng geh rơcang dùl nơm rơndeh dờng ờs ngui, lơh sră nggal càn priă tàm rơndeh tơn bè dùl ngân hàng lòt làm bă tiah tus ală [òn tàm kơnhoàl nàng tă priă càn ai làng bol lơh broă sa in. Kơp kờ` do là broă lơh ngan ngồn geh cồng nha, dong làng bol lơh broă sa geh priă bơcri bơtàu tơnguh lơh sa, bơh hơ\ pơgồp bơnah uă ngan tàm broă lơh tơn jơh jơgloh, tơmù r[ah mờ brồ guh lơh pas. Ồng pà git:

“Bè priă ai càn den ngân hàng kung ai di tu\ ală hìu bơnhă in càn, ngan là hìu bơnhă làng bol kòn cau ơm kis bơh jo\ tàm [òn lơgar. Tu\ geh jơnau kờ` den ngân hàng geh ai di tu\ mơ. Mờ làng bol neh ngui priă càn geh cồng nha ngan. Tàm ală nam pa do, den go\ ờ uă hìu bơnhă bè rài kis lơh sa neh bơtàu tơnguh, blơi phan bơna ngui tàm hìu bơnhă, kung bè neh lơh geh hìu đam dờng niam. Bơh priă càn ngân hàng nông nghiệp dê neh lơh geh cồng nha niam.”

                                                                          Cau mblàng K’Duẩn