VOV4.K’ho- Ngân hàng dà lơgar pa bơyai lơh pơrjum báo yal bè cồng nha lơh broă ngân hàng dê tàm 5 nhai bồ sơnam do mờ pơlam gùng dà tàm ală nhai gam wơl. Bơh bồ sơnam tus tu\ do, Ngân hàng dà lơgar gròi sền khà càn priă dipal mờ broă jàu pơlam gùng dà, lơh geh bơta niam càn priă, ai tơl bơta [ươn ai mpồl lơh sa kă bro mờ làng bol in geh càn priă nàng sơrbac mhar lơh wơl broă lơh sa, kă bro. Mơkung sồr ală ngân hàng tơrgùm rơndăp tăp sèng dồs dong kờl mpồl lơh sa kă bro.

Kờp tus ngai 25/5, jơh ală ngân hàng neh rơndăp tăp sèng wơl tơngai ai tơm dồs ai mờr 224 rbô nă cau càn priă in mờ kờp jơh priă gam dồs là mờr 152 rbô tơmàn đong, ờ sa, tơrmù, gơmù priă cồng ai rlau 326 rbô nă cau càn priă in. Ngân hàng Chính sách Xã hội neh tơn jo\ tơngai ai tơm dồs ai rlau 150 rbô nă cau càn priă in mờ kờp jơh priă gam dồs là rlau 3 rbô 800 tơmàn đong, ai càn pa ai rlau 680 rbô nă cau in mờ kờp jơh priă ai càn là 26 rbô tơmàn đong.

Cau mblàng Lơ Mu K’Yến