VOV4.K’ho - Tổng Bí thư Nguyễn Phú Trọng pa ky\ lơh gơs mờ ai ngui Nghị quyết pơrjum dơ\ 6, Ban Chấp hành Đảng dà lơgar kơna\ XII (Nghị quyết sồ 19) bè pơnjat tai tam gơl pa ròt mpồl bơyai lơh mờ atbồ, tơngguh khà niam mờ cồng nha broa\ lơh ala\ mpồl lơh broa\ dà lơgar. Nghị quyết đơs loh bơta gơbàn mờ bơh tài ala\ gam gơbàn, ờ pràn, kal ke tàm broa\ bơyai lơh mờ lơh broa\ bơh ala\ mpồl lơh broa\ dà lơgar tàm tơngai do. Nghị quyết đơs ua\ ngan broa\ tam gơl ròt mpồl bơyai lơh mờ atbồ, tơngguh niam khà mờ cồng nha broa\ lơh ala\ mpồl lơh broa\ dà lơgar la dùl tàm ala\ broa\ lơh tờm lơh lài jơh, la broa\ lơh chính trị jal mhar, mờ jo\ jòng bơh jơh ala\ kấp ủy Đảng,  gơnoar atbồ mờ gùt ròt chính trị.

Mờ broa\ lơh tus nam 2021, geh lơh gơs broa\ thể chế  hóa ala\ gùng dà broa\ lơh bơh Đảng bè tam gơl broa\ lơh atbồ, broa\ lơh pria\ jền  mờ bơyai lơh wơl ròt mpồl lơh broa\ dà lơgar, tơmù êt ngan 10% mpồl lơh broa\ dà lơgar mờ cau biên chế  geh  sa pria\ nhai bơh pria\ jền dà lơgar pơndrờm mờ nam 2015, Nghị quyết geh  tơlik  broa\ lơh nền nòn tàm broa\ rơndap, bơyai lơh wơl ala\ mpồl lơh broa\ dà lơgar bơh tơl gah, đah  broa\ lơh. Broa\  bơyai lơh mut lơh kràn ngan, dơle\ bal ala\ broa\ lơh, broa\ bal mờ tam gơl pa ròt chính trị mờ geh lơh niam bal hia\ sra\ nggal, mơ kung  geh broa\ lơh mờ bơta lơh broa\ di pal,  geh tờm ngan, kuơ ngan, tơngguh broa\ lơh lòt sền, sền gròi, tơnjơh broa\ mùl màl nàng geh lơh mo bơsir, lơh gơs cơ chế, broa\ lơh.

                                                                    Cau cih mờ yal tơnggit K’ Brọp