VOV4.K’ho - Dờp jơnau jà bơh Phó Thủ tướng, Bộ trưởng Ngoại giao ồng Phạm Bình Minh, Ngoại trưởng lơgar Mỹ ồng Mike Pompeo ngai do (07/7) neh tus còp mùl màl lơgar Việt Nam.

Do là dơ\ tus còp lơgar Việt Nam sơnrờp ngan bơh ồng Mike Pompeo dê tàm gơnoar broă kuang atbồ Ngoại giao lơgar Mỹ.

Dơ\ tus còp geh bơyai lơh tàm tu\ broă lơh bal bơh lơgar Việt Nam mờ lơgar Mỹ tàm tơngai do neh tơnguh bơtàu tàm uă bơta.

Broă lơh sa bal, kă bro gam tàm khà tơnguh bơtàu pràn mờ khà kă bro bal bơh 2 lơgar neh tus  51 tơmàn đôlar Mỹ, lơh broă bal tàm ală gah bndai geh ală broă tơnguh bơtàu niam.

Dơ\ tus còp lơgar Việt Nam bơh ồng Mike Pompeo kờ` pơn jăt tai chồl pràn broă lơh bal tơl ală bơta bơh lơgar Việt Nam mờ lơgar Mỹ tơnguh bơtàu mùl màl mờ geh cồng nha, tàm hơ\ uă ngan là tàm ală gah chính trị, lơh broă bal mờ lơgar ndai, lơh sa, kă bro, bơcri priă, sền gàr bơta lơngăp lơngai dà lơgar, tơmù hoàc huơr bơh rài tam lơh lời wơl.

Cau mblàng Ndong Brawl