VOV. K’ho - Ồng Đỗ Mười (măt tàm sră cih mat là Nguyễn Duy Cống), deh ngai 02/02/1917; [òn tờm: Xã Đông Mỹ, kơnhoàl Thanh Trì, [òn dờng Hà Nội. Ơm kis sùm tàm hìu sồ 11, gùng Phạm Đình Hổ, sơnah [òn Phạm Đình Hổ, quận Hai Bà Trưng, [òn dờng Hà Nội. 

Tơnơ\ dùl tu\ tơngai gơbàn kòp kơn jơ\, bulah neh geh Đảng, Dà lơgar, mpồl ală cau giáo sư, bác sĩ tàm lơgar mờ dunia jơh nùs dong kờl sơm kòp, hìu bơnhă jơh nùs drơng gàr, mơya tài sơnam neh dờng să jan ờ gam pràn tai, ồng Đỗ Mười, Tổng Bí thư Đảng dà lơgar lài do neh sang rài tàm tu\ 11 jiơ 12 phut mang ngai 1/10/2018 tàm Hìu sơnơm Ling klàng Dà lơgar 108.

Nàng tơlik nùs nhơm kah kơlôi tus ồng Đỗ Mười, Ban Chấp hành Đảng Cộng sản dà lơgar Việt Nam, Quốc hội lơgar Cộng hòa xã hội chủ nghĩa Việt Nam, Chủ tịch lơgar Cộng hòa xã hội chủ nghĩa Việt Nam, Chính phủ lơgar Cộng hòa xã hội chủ nghĩa Việt Nam, Ủy ban Mặt trận dà lơgar Việt Nam lơh nền geh kơrnoat bơyai lơh ies tơ\p [ồc ồng Đỗ Mười, jat broă lơh Dà lơgar ies tơ\p [ồc.

Gơbang  [ồc ồng Đỗ Mười, geh ơn tàm Hìu bơyai lơh ies tơ\p [ồc dà lơgar, hìu sồ 5, gùng Trần Thánh Tông, [òn dờng Hà Nội.

 Dơ\ bơyai lơh còp ies [ồc ồng Đỗ Mười sơnđờm bơh 7 jiơ drim ngai 6/10 tàm Hìu bơyai lơh ies tơ\p [ồc dà lơgar, hìu sồ 5, gùng Trần Thánh Tông, [òn dờng Hà Nội.

Dơ\ bơyai lơh ies kah [ồc ồng Đỗ Mười geh bơyai lơh tàm tu\ 9 jiơ drim ngai 7/10, tàm Hìu bơyai lơh ies tơ\p [ồc dà lơgar, hìu sồ 5, gùng Trần Thánh Tông, [òn dờng Hà Nội. Dơ\ lòt tơ\p geh lơh bơh tu\ 1 jiơ mho dùl ngai bal tàm [òn tờm Tiah Ma Vang, thôn 1, xã Đông Mỹ, kơnhoàl Thanh Trì, [òn dờng Hà Nội.

Kung dùl ngai bal, tàm Hìu pơrjum Thống Nhất [òn dờng Hồ Chí Minh, kung bơyai lơh sơl dơ\ ies [ồc ồng Đỗ Mười.

Tàm bàr ngai Dà lơgar ies tơ\p [ồc là ngai 6 mờ 7/10/2018, ală anih lơh broă, ală anih mpồl bơtiàn yồng bùng bi gơjrùh mờ ơm jơh ală broă lơh nhơl chờ lơh rài bồ tơngoh.

Dơ\  lòt ies  mbồc ồng  Đỗ Mười, Tổng Bí thư Ban Chấp hàng Đảng Cộng sản Việt Nam lài do geh sơnđờm bơh  7 jiơ drim do, 6/10.  Bơyai lơh ies geh lơh tàm Hìu ies bồc dà lơgar, sồ 5 gùng Trần Thánh Tông, Hà Nội mờ tàm Hìu pơrjum Thống Nhất, [òn dờng Hồ Chí Minh.

Di 7h10 phut, dơ\ ies bồc ồng Đỗ Mười, lài do là Tổng Bí thư Đảng dà lơgar dê, geh sơn tờm mut lơh. Mpồl Ban chấp hành Đảng  Cộng sản Việt Nam bơh Tổng Bí thư Nguyễn Phú Trọng lơh  kuang bàng mpồl mut ies bồc.  Tàm sră  cih ies bồc ồng Đỗ Mười, lài do là Tổng Bí thư dà lơgar, Tổng Bí thư Nguyễn Phú Trọng cih: “ Sơn nđàc Pơlai  ngan ồng Đỗ Mười –Kuang đơng lam bồ jak ngan, geh bơngă pin dờn dờng ngan bơh Đảng, Dà lơgar mờ làng bol he dê; Cau đảng viên cộng sản jơh nùs jơh tồr, jơh dùl rài kis tam lơh ai dà kơl hề tài bơh nùs nhơm lơngap lơngai is jơi bơtìan mờ  chủ nghĩa xã hội, tài bơta chờ hờp bơh làng bol dê; Cau geh tă pơgồp uă dà kơl hề dờng màng ai broă lơh tam lơh tơng klàs jơi bơtìan, tơrgùm dùl dà lơgar, mờ tàm broă tam gơl pa, bơta bơtàu, sền gàr dà.”

Mpồl Chủ tịch lơgar bơh mò Đặng Thị Ngọc Thịnh, Uỷ viên Ban chấp hành Đảng dà lơgar, at gơnoar ing la Chủ tịch lơgar geh mut ies Tổng Bí thư Đỗ Mười. Mpồl Chính phủ dà lơgar CHXHCN Việt Nam bơh Thủ tướng Nguyễn Xuân Phúc lơh cau lam bồ mut ies ồng Đỗ Mười.  Tàm sra\ cih ies, Thủ tướng Nguyễn  Xuân Phúc cih: ‘’ Gơ lơh pơlai ngan ồng Đỗ Mười- Cau bơsram jak chài ngan bơh Chủ tịch Hồ Chí Minh dờng màng- Cau  ling cộng sản khin cha jak chài, dùl ơnà  dờng,  lam lài bè ơnà sa\,  tềm pềr, song dơpa\, ờ sơnơng kơ lôi bơta lơi, dùl cau atbồ jơh nus ngan tài dà lơgar, tài làng bol…’’.

            Mò Nguyễn Thị Kim Ngân, Chủ tịch Quốc hội ala mat Mpồl Kuang bàng Quốc hội dà lơgar CHXHCN Việt Nam kun bồ ki ngàm chu `àng tơngăc ồng Đỗ Mười. Mpồl Ủy ban Mặt trận dà lơgar Việt Nam bơh ồng Trần Thanh Mẫn, Chủ tịch Ủy ban Mặt trận dà lơgar Việt Nam lam bồ mut ies bồc.

Tàm Hìu pơrjum Thống Nhất, [òn dờng Hồ Chí Minh, Mpồl Thành uỷ [òn dờng Hồ Chí Minh bơh Uỷ viên Bộ Chính trị, Bí thư Thành uỷ Nguyễn Thiện Nhân lam bồ ies Tổng Bí thư Đỗ Mười lài do.

Tàm 2 ngai, ngai do mờ ngai hìng, uă ngan ală mpồl kuang bàng tàm lơgar mờ dunia, ala mat ală mpồl mờ làng bol tus ies bồc ồng Đỗ Mười, lài do là Tổng Bí thư dà lơgar, kuang đơng lam bồ jơh dùl rài kis tài dà lơgar mờ tài làng bol .

Tềng bơta chơt  bơh Tổng Bí thư Đỗ Mười, Tổng Bí thư, Chủ tịch lơgar Lo, ồng Tập Cận Bình neh pơyua jơnau moat  tus Tổng Bí thư Nguyễn Phú Trọng mờ cau hìu nha\ bơh [ồc ồng Đỗ Mười. Tàm jơnau tam pà moat geh đơs tờm, tềng bơta chơt bơh ồng Đỗ Mười, Tổng Bí thư Ban chấp hành Đảng dà lơgar Việt Nam lài do, ala mat Đảng, Dà lơgar mờ làng bol lơgar Lo, a` dan đơs gơ lơh pơlai ngan tus mờ [ồc ồng mờ hìu nha\ ồng Đỗ Mười. Ồng Đỗ Mười la cau atbồ jak chài ngan bơh Đảng mờ Dà lơgar Việt Nam, la cau oh mi mờ cau bơyô rềp mềr ngan bơh Đảng mờ làng bol lơgar Lo.  Tu\ gam kis,  ồng Đỗ Mười neh geh ua\ ngan ta\ pơ gồp kuơ màng ngan tàm bơtàu tơngguh git gơp bơh 2 Đảng, 2 dà lơgar Việt Nam- Lo.

  Tu\ kơno Tổng Bí thư Đảng Cộng sản Việt Nam lài do, ồng Đỗ Mười chơ\t, mpồl ala mat kuang bàng lơh broă mờ lơgar ndai lơgar Mỹ dê neh geh jơnau yal bơr tơlik nùs nơm tam pà bal bơta muăt jrùm tus mờ Đảng, Chính phủ, làng bol mờ hìu bơnhă [ồc ồng Đỗ Mười, Tổng Bí thư Đảng dà lơgar lài do. Tàm jơnau yal bơr geh gơl cih: ‘’Ngan tàm tu\ tơngai lơh kơnòl broă Tổng Bí thư bơh ồng Đỗ Mười dê, Việt Nam mờ Mỹ neh gơtùi đơs tus jơnau kah yau bal bơh bol he dê dùl bă sơrmah sơrmài, lơh pràn broă lơh tơr`a bơyai mờ crơng gơs bơta gi\t gơ\p bal đah 2 lơgar ngan ngồn tàm nam 1995. Bơh phan lời wơl do, Chính phủ mờ làng bol 2 lơgar neh bơtàu tơnguh bơta gi\t gơ\p lơh broă bal mờ lơh bơyô bal jrô ơnàng ngan mờ 2 dà lơgar gam geh’’.

Geh git ồng Đỗ Mười chơt, Ban Chấp hành Đảng làng bol kac màng lơgar Lào, Quốc hội,  chính phủ lơgar Lào mờ Uỷ ban mặt trận lơgar Lào  bơt bơtàu dà lơgar neh pơyua jơnau moat tus Ban Chấp hành Đảng Cộng sản Việt Nam jơnau tam pà moat ngan ngồn. Tàm sra\ pơyua, at bồ lơgar Lào   gơ lơh pơlai ngan tềng broa\ ồng Đỗ Mười chơt, la cau Tổng Bí thư Ban Chấp hành Đảng dà lơgar Việt Nam lài do. Tàm  pang sra\ geh gơl: ‘’Tàm jơh  tu\ tơngai lài do,  ồng Đỗ Mười neh ta\ pơ gồp dờng ngan tàm broa\ bơtàu tơngguh mờ bơta git gơp lơh broa\ bal dờng màng, tam klac kuơ màng mờ lơh broa\ tơl làm  bơh 2 Đảng, 2 dà lơgar mờ làng bol 2 lơgar Lào- Việt Nam. Broa\ ồng Đỗ Mười chơt, ờ mìng Đảng, Dà lơgar mờ làng bol Việt Nam oh mi roh dùl na\ cau atbồ  kờ` gơboh, cau kac màng dùl nùs, mờ Đảng, Dà lơgar  mờ làng bol Lào bol a` kung roh dùl na\ cau bơyô  rềp mềr mờ đềt mềr ngan’’.

 Bal mờ ală pang sră pơyua tam pà bal bơta muăt jrùm bơh uă kuang đơng lam bồ ală lơgar tàm dunia dê, mblàng yal jơnau dunia tàm ală ngai do kung neh cih yal dùl ròt ală jơnau cih đơs bè bơta chơ\t bơh ồng Đỗ Mười, Tổng Bí thư Đảng dà lơgar lài do dê. Tơnơ\ sèng sơnđan mat jơnau cih mờ akhar dờng: ‘’Tổng Bí thư Ban Chấp hành Đảng Cộng sản dà lơgar Việt Nam lài do, ồng Đỗ Mười chơ\t’’. Gah yal tơngi\t jơnau BBC yal wơl bè broă lơh chính trị bơh ồng dê mờ đơs ngan, Ồng guh lơh Tổng Bí thư tàm tu\ tơngai dà lơgar geh uă bơta tam gơl jrô ơnàng, tơnơ\ tu\ Đảng lời sơrbì cơ chế tập trung quan liêu bao cấp mờ lơh ală broă lơh tam gơl pa, pờ mpồng. Ồng Đỗ Mười, Tổng Bí thư Đảng dà lơgar lài do neh lơh ngan kờ` ngan ală broă lơh lơh tam gơl pa khat gơboh lơh sa.

Gah yal tơngi\t jơnau Tân hoa xã cih yal wơl bè rài kis mờ tu\ tơngai lơh broă chính trị bơh ồng Đỗ Mười, Tổng Bí thư Đảng dà lơgar lài do dê mờ đơs ngan, ồng neh geh tu\ lơh uă gơnoar broă, geh uă tă pơgồp dờng ngan ai broă lơh kăc màng bơh Đảng mờ jơi bơtiàn dê, kuơmàng là tàm broă lơh tam gơl pa dà lơgar.

Pang bao\ Thời báo Tài chính (Financial Times) kung cih yal tơngi\t jơnau, ồng Đỗ Mười, Tổng Bí thư Đảng dà lơgar lài do chơ\t, tơnơ\ tu\ ai geh bal broă lơh chính trị tam dră tài bơta lơngăp lơngai is kung bè bơtàu tơnguh dà lơgar. Thời báo Tài chính đơs là, ồng Đỗ Mười, Tổng Bí thư Đảng dà lơgar lài do neh pờ tơlik tu\ tơngai pa lơh broă mờ lơgar ndai Việt Nam dê, lơh pơnrơh rùp să Việt Nam dê tàm muh mat dunia.

Uă gah yal tơngi\t jơnau dunia dê bè, Washington Post, ABC news, New York Times, Dailly mail…kung cih yal bè broă ồng Đỗ Mười, Tổng Bí thư Đảng dà lơgar lài do chơ\t, yal wơl broă lơh chính trị mờ tă pơgồp bơh Tổng Bí thư dê gơ wèt mờ broă lơh kăc màng bơh Đảng mờ Dà lơgar Việt Nam dê.

Cau mblàng K’ Brọp- Lơ Mu K’ Yến- K’ Hạnh