VOV4.K’ho– Tây Nguyên gam tàm tơngai tơnhàu uă phan lơh geh bơh sươn sre, khà rơndeh pơndiang phan bơna kă bro gơguh uă tàm ală gơl gùng. Mpờl go\ uă ngan là broă bơh ală rơndeh công nông ờ geh đèng, rơndeh do lơh gơlik ală jơnau rơngòt ngan gơ wèt mờ ală cau lòt rê tàm gùng, pơhìn gơlik geh uă rềs àr gùng lòt.

            Lòt tàm trồ mang jơngo, ờ geh đèng pờ àng, ờ geh dùl tềl tơngo\ yal tơngkah lơi pà go\ gam geh dùl nơm rơndeh ơnàng mờr 2 thơk, jòng bơh 4 tus 5 thơk, ndrờm mờ dùl nơm rơndeh dềt gam lòt tàm gùng, hơ\ là ală rơndeh công nông ờ geh đèng. Ală rơndeh do gam lơh gơlik jơnau rơngòt ngan gơ wèt mờ ală cau lòt rê tàm gùng, ngan là tàm tơngai tơnhàu uă phan lơh geh bơh sươn sre, geh dùl ròt rơndeh bè hơ\ lòt tàm tu\ trồ pa mho mang tàm ală gơl gùng rơndeh dờng, gùng rơndeh dềt tàm Tây Nguyên.

Bi Nguyễn Hữu Lý, dùl nă cau măy rơndeh pơndiang phan sùm lòt jat gùng rơndeh dờng 14, gơl lòt gan càr Gia Lai pà gi\t, neh geh ờ dùl êt dơ\ bi mờr gơbàn rhơ\t nùs tài bơh mờr tơm di tàm ală rơndeh công nông ờ geh đèng.

            A` go\ ală rơndeh công nông lòt rê tàm gùng ờ geh đèng pờ àng tàm trồ mang den là ngòt rơngơ\t ngan. Dơ\ bàr tai là rơndeh công nông neh tam pà bơnàng gùng lời ai rơndeh dềt in lòt mơya cau kung gam lòt sơl tàm bơnàng gùng hơ\, cau kơldang nùs lòt khat gơboh tàm bơnàng gùng lời ai rơndeh dờng in lòt, [ươn ngan gơtìp rềs àr tàm bơta hơ\. Den tàng là a` dan lơh bè lơi bơsong nàng khi lòt tàm bơnàng gùng lời ai khi in lòt mờ pal crăp đèng pờ àng niam den hơ\ sồng di.

            Bal mờ mpồl Kảnh sát gùng lòt lòt kơryan tàm gùng rơndeh dờng 14 tàm dùl mho mang, gơl gùng rềp mờ thị trấn Chư Sê, kơnhoàl Chư Sê, càr Gia Lai, mìng tàm pơgăp 20 phuk lơm, bol a` tìp rlau 10 nơm rơndeh công nông lòt rê gan gơl gùng do, mờr bè jơh ală rơndeh do ờ go\ dùl nơm rơndeh lơi geh đèng pờ àng.

Ờ gơtùi sền go\ geh ală rơndeh do bơh ngài, mìng tu\ ală rơndeh do mờr tus rềp den hơ\ sồng đal gi\t geh bơh ală săp ntas nggồr dờng pằng pặc mùl kơno bơh rơndeh công nông dê.

Ồng Nguyễn Hữu Nhơn bulah gi\t sơl rơndeh công nông ờ geh đèng ngòt rơngơ\t mơya kung gam kơldang nùs măy lòt rê tàm gùng rơndeh dờng sơl

Măy dùl nơm rơndeh công nông ờ geh đèng lòt tàm gùng rơndeh dờng 14, ồng Nguyễn Hữu Nhơn, ơm tàm thị trấn Chư Sê, kơnhoàl Chư Sê pà gi\t, bulah gi\t sơl bơta ngòt rơngơ\t mơya kung gam ờ go\ kơrhia sơl.

            Ală đèng pờ àng den rơndeh ờ geh mơya a` kung rơcang sơl đèng pil, dilah ờ bơtuah gơbàn jơnau lơi gơlơh ờ niam rơndeh rơndồ den là a` kung gam gơtùi rê sơl mơya tu\ do den a` ờ hềt pờ lơm gơ dê. Đơs bal là tàm trồ mang, ờ sền go\ gùng den gơ kung rơngòt sơl, tài bơh a` gi\t là gùng do gam lơyah, dơ\ tơnơ\ den a` gi\t a` dê.

Kung gơlơh ờ go\ kơlôi sơnơng dùl bơta lơi sơl măy dùl nơm rơndeh công nông ờ geh đèng lòt tàm gùng rơndeh dờng 14, ồng Trịnh Văn Hiệp, ơm tàm thị trấn Chư Sê jòi jơnau đơs bè do.

Ờ gơtùi crăp ờ tài bơh kàl tơnhàu uă phan tam den lòt rê tàm do dùl êt gời, sươn ơm rềp ndo gơ dê. Ală bi kuang àng kung lòt kung kơryan ờ ai lòt sơl, mơya sền go\ ờ geh cau lòt rê den a` lòt gan, kung gơtìp bơto tơngkah sơl nđờ dơ\ gơ dê. Ngan là gơ ngòt rơngơ\t, jơh ală rơndeh lòt tàm gùng mờ ờ geh đèng den ndrờm rơngòt rơngơ\t lơm, ngan là rơndeh công nông den sơlơ rơngòt rơngơ\t rlau tai.

Jat tơrgùm kờp pa ngan rlau jơh bơh Bộ Giao thông mờ Vận tải dê lơh tàm 5 càr tàm Tây Nguyên, jơh gùt kơnhoàl ù tiah do tu\ do geh mờr 145 rbô nơm rơndeh măy hoài dềt (mờng hòi là rơndeh công nông).

Tàm hơ\, càr Dak Lak geh uă ngan rlau jơh bal mờ pơgăp 80 rbô nơm, Gia Lai ơm dơ\ 2 bal mờ mờr 38 rbô nơm. Jơh ală rơndeh do ndrờm ờ geh sră pơ àr tơngo\ anih lơh gơlik gơ; ờ geh kèng, ờ geh đèng yal tơngi\t, ờ geh đèng pờ àng tàm trồ mang; ờ huan niam bè măy mok, uă rơndeh crăp mòn is ngui tàm broă lơh sa. Broă bơto bơtê, pơrlòng ai sră măy rơndeh nàng măy rơndeh công nông kung tìp uă kal ke sơl mờ mìng geh pơgăp 10% cau măy rơndeh do là geh sră măy rơndeh khà A4.

Lơh jat jơnau sồr bơh kơrnoat boh lam, gùng dà broă lơh bơh Chính phủ dê, ală càr tàm Tây Nguyên ndrờm neh geh ală kơrnoat sồr atbồ rơndeh công nông tàm tiah do. Tàm hơ\, geh cih gùng, rơndeh mờ tơngai ai lòt rê, mơya, tài bơh bơta tàm ală càr Tây Nguyên ờ hềt geh uă gùng làng bol lòt rê, gùng tơrgùm lời ai rơndeh do in lòt rê, cau lơh broă sa bơh hìu lòt tus sươn mìr kung gam pal lòt rê sơl tàm bàr pe gơl gùng bơh gùng rơndeh dờng, gùng càr dê. Den tàng bè hơ\, tàm bơta geh ngan, rơndeh công nông kung gam lòt rê sơl tàm ală gơl gùng gơtìp kơryan ờ ai lòt.

Trung tá Nguyễn Minh Tuấn, Phó Kuang atbồ mpồl kảnh sát gùng lòt sồ 1, gơ wèt Phòng Kảnh sát gùng lòt, Kuang àng càr Gia Lai pà gi\t, broă bơsong rơndeh công nông lơh tìs tìp uă ngan kal ke, mìng là bơto tơngkah mờ hòi jà lơm.

Tàm kàl tơnhàu uă phan lơh geh bơh sươn sre, gơ wèt mờ rơndeh là rơndeh công nông pơndiang phan den lài ngan, là bol a` mblàng yal, bơto tơngkah ală rơndeh rơndồ hơ\, dơ\ dùl là ờ go\ di lòt rê tàm gùng rơndeh dờng, dơ\ 2 là ờ go\ di pơndiang cau tàm rơmòk rơndeh.

Mơkung bơto tơngkah, mblàng yal làng bol in là ba` lòt tàm trồ mang, ngan là rơndeh công nông ờ geh đèng là rơngòt rơngơ\t ngan, là jơnau sùm pơhìn lơh gơlik ală rềs àr gùng lòt.

Rơndeh công nông ờ geh đèng gam là bơta ngòt rơngơ\t gam pơhìn tàm ală gơl gùng tàm Tây Nguyên

Mờ ală bơta gam geh, ờ niam ngan tu\ do, rơndeh công nông lòt rê tàm gùng lơh aniai uă ngan tus rơndăp tăp sèng ờdo ờdă gùng lòt, geh sùm ală jơnau pơhìn digơlan lơh gơbàn rềs àr gùng lòt. Bơta geh ngan tàm tơngai do, neh geh uă dơ\ rềs àr gùng lòt gơlời wơl jơnau gơ aniai ngòt rơngơ\t ngan mờ kơn jơ\ kơn ju\t ngan gơrềng tus mờ bơta rơndeh do.

Mơya, rơndeh do gam geh wơl gơnoar broă kuơmàng, geh kuơ ngan gơ wèt mờ rài kis mờ broă lơh sa bơh làng bol Tây Nguyên dê, tàm tơngai mờr tus, ờ hềt geh rơndeh lời ala geh gơ.

Den tàng bè hơ\, broă lơh atbồ rơndeh công nông bè lơi nàng gơ in dipal mờ bơta ngan, mơkung gàr niam lơngăp lơngai ờdo ờdă gùng lòt là kuơmàng ngan. Broă do gơ sồr pal geh gùng dà broă lơh atbồ dipal bơh broă lơh gơlik, tus lơh sră cih mat, lòt rê; bơh rơndeh tus cau măy.

Mơya lài mờ tu\ lơh geh ală bơta do, ală càr tàm Tây Nguyên pal bơsong mhar tơn broă bơh ală rơndeh “công nông ờ geh đèng”- gam là rơndeh ngòt rơngơ\t gam pơhìn tàm ală gơl gùng.

Cau mblàng Lơ Mu K’Yến