VOV4.K’ho- Mho ngai 25/3, tàm Pơrjum tă pơgồp jơnau đơs tàm broă lơh broă lơh jăt kơrnoat Pơrjum dờng Đảng gùt lơgar dơ̆ 13 bè broă lơh hòi jà làng bol, ală kuang bàng sồr pal sơlơ tam gơl sồ tàm broă lơh hòi jà làng bol. Dùl tàm ală jơnau kờñ bơh Broă lơh broă bè broă lơh hòi jà làng bol tàm tơngai tus là tơrgùm bơsram, mblàng yal Kơrnoat Pơrjum dờng dơ̆ 13 bơh Đảng dê bè ngui niam bơta pràn tam klăc dờng jơh gùt jơi bơtiàn, làng bol lơh tờm mpồl bơtiàn ring bal mờ gơnoar lơh tờm bơh làng bol dê.

Bơta tờm là lơh jăt dipal, gơtùi làng bol lơh tờm tơn, làng bol lơh tờm ala măt, kuơmàng là làng bol lơh tờm tàm kơnă hơđơm. Tàm pơrjum, ală kuang bàng đơs là, anih lơh broă, mpồl cau tàm ală anih lơh broă chính trị pal ai tơl bơta ai làng bol in tus bal làm uă tàm ală tŭ lơh nền gùng dà broă lơh, tơnguh gơnoar broă gròi sền dờng ngan rlau jơh broă lơh jăt ală gùng dà broă lơh, kơrnoat boh lam mờ bơsong jơnau dan, jơnau sồr bơh làng bol dê.

Cau mblàng Lơ Mu K’Yến