VOV4.K’ho- Ủy ban Nhân dân càr Lâm Đồng pa pơrjum ờs mờng sền wơl broă lơh sa- mpồl bơtiàn nhai 10 mờ bơyai kơnòl broă nhai 11 nam 2017. Tàm nhai 10, kờp jơh priă dia dà lơgar geh tă geh tàm càr Lâm Đồng là 438 tơmàn. Ală broă lơh niam chài, bơto bơtê, lơh sơnơm, lơh geh broă lơh, gàr tơl niam rài kis mpồl bơtiàn ndrờm kơ\ kơl jăp.

Nhai 11 tus do, Lâm Đồng đơs, pơn jat tai sơlơ đơng lam rơcang sơndră kòp lơh aniai tàm tờm chi tam, phan ròng, sền dờng màng bơtàu tơnguh lơh broă sa sươn sre công nghệ cao. Pơn jat tai tă bơsong kal ke tàm broă lơh sa, kă bro, lơh geh tơl ală bơta ai mpồl lơh sa kă bro in bơtàu tơnguh, mơkung krà` cê jơh nùs bơsong ală rơndăp broă lơh ờ go\ lơh jat di jơnau sồr. Lơh niam ală broă lơh gàr tơl niam rài kis mpồl bơtiàn, gàr niam pràn kơldang să jan làng bol in, bơtàu tơnguh bơto bơtê, niam chài đơs crih tam ya.

Bè lơh tam gơl pa hành chính, pơn jat tai lơh pràn jat broă lơh dùl mpồng mờ dùl mpồng tàm tơrbo\ bal tàm ală anih lơh broă hành chính dà lơgar mờ ală tiah. Pơn jat tai lơh pràn tă dia dà lơgar; sơlơ lơh tai broă lòt sền, gròi sền, kơryan broă tă dia ờ geh.

Cau cih mờ yal tơngit- Lơ Mu K’Yến