VOV4.K’ho - Tềng đăp mờ bơta kal ke bơh kòp Covid-19 tàm gùt plai ù, Chính phủ neh lơh jăt broă lơh “lơh broă bal mờ lơgar ndai sơnơm vaccine” mhar, tơl ală bơta, lơh ngan nàng geh sơnơm vaccine uă ngan mờ mhar ngan nàng pờ ơnàng broă cit sơnơm tàm gùt lơgar.

Jăt Thứ trưởng Bộ Ngoại giao ồng Nguyễn Minh Vũ đơs, tàm tơngai tus, lơgar Việt Nam geh chồl pràn broă lơh bal mờ lơgar ndai sơnơm vaccine mờ 3 gah broă tìp bal, mờ jòi geh uă bơta tìp sơnơm sơm ƀă tàm kòp Covid-19. Thứ trưởng Ngoại giao ồng Nguyễn Minh Vũ đơs là: tŭ do, broă lơh sơnơm vaccine mờ “lơh broă bal mờ lơgar ndai sơnơm vaccine” neh geh lơh jăt di pal, lơh pràn tàm uă cấp krơi is, tàm hơ̆ uă ngan tàm cấp dờng màng. Ồng Nguyễn Minh Vũ pà git: Kờp dŭ tàm nhai 9 mờ nhai 10 nam 2021, lơgar Việt Nam geh tai 30 tơlăk ding sơnơm vaccine. Mìng is tàm nhai 9 nam 2021 geh bơh 16 tus 17 tơlăk ding sơnơm tus tàm lơgar Việt Nam bơh tàm ală tiah krơi is.

Cau mblàng Ndong Brawl