VOV4.K’ho- Tổng Liên đoàn Lao động Việt Nam kung pa bơyai lơh cri bơyai pờ tơlik tàm internet lam lơh Nhai công nhân nam 2021 mờ tơngu me “Tam klac bal, bơceh lơh, sơrlèt gan kal ke, bơtàu tơnguh”. Tài gơrềng bơh kòp Covid-19, den tàng uă mpồl lơh sa kă bro, anih lơh broă, mpồl lơh broă mờ đoàn viên, cau lơh broă gơtìp gơrềng uă ngan. Rlau mờ tŭ lơi jơh, git nđờ tơlak nă công nhân lơh broă tàm gùt lơgar pal tam klac bal, bơceh lơh nàng sơrlèt gan ală kal ke tềng đap mat mờ geh nùs nhơm lơh ngan brồ guh, geh bơta kơp kơnờm bơtàu tơnguh tài bơta gơboh gơbài bơh să tờm, hìu bơnhă dê, bơta bơtàu tơnguh wơl, bơtàu tơnguh bơh mpồl lơh sa kă bro dê mờ bơta pas sơm bơh dà lơgar dê. Tài bè hơ̆ den tàng Nhai công nhân nam do, geh tơngume “Tam klac bal, bơceh pa, sơrlèt gan kal ke, bơtàu tơnguh”.

Lam lơh Nhai công nhân nam 2021

Dùl tàm ală tơngume tờm bơh Nhai công nhân nam do dê là broă lơh “75 rbô jơnau bơceh pa, sơrlèt gan kal ke, bơtàu tơnguh”. Khà 75 rbô jơnau bơceh pa mờ bơta kơp kờñ công nhân Việt Nam pơgap mờ do 75 nam geh bơyai lơh mít tinh yŭ rơyùm ngan tàm càr lơgar Hà Nội. Mờ kung gờm chờ 75 nam Ngai tĕ khà sơn rờp Quốc hội lơgar Cộng hòa xã hội Chủ nghiã Việt Nam.

Cau mblàng K’Duẩn