VOV4.K’ho - Ngai dunia kơnòm dềt mờ kung là ngai sơnrờp bơh nhai lơh broă kơnòm dềt nam 2021. Tơngu me Nhai lơh broă tài kơnòm dềt nam do là “Tus bal lơh jăt gơnoar kơnòm dềt, sền gàr kơnòm dềt tàm rềs àr, kòp gơtờp”. Broă lơh geh kuơ màng sơnrờp ngan tàm nhai do, hơ̆ là Kes priă dong kờl kơnòm dềt Việt Nam mờ Bộ Lao động-Thương binh mờ Xã hội tơlĭk kơrnoăt dong kờl dơ̆ sào ai rơlao 4 rơbô nă kơnòm dềt là F0 mờ F1 pal tam cah is tơrgùm bal nàng sơndră, tam dră mờ kòp Covid-19.

Jăt kơrnoăt do, kơnòm dềt bơh pa deh tus 16 sơnam gam sơm kòp, tam cah is broă lơh sơnơm tơrgùm bal geh dong kờl priă sa mờ khà 80 rơbô đong 1 ngai 1 nă tàm 21 ngai. Tơngai geh ngui bơh ngai 27 nhai 4 tus ngai 31 nhai 12 nam 2021. Kes prriă dong kờl kơnòm dềt Việt Nam hòi jà broă tus bal, dong kờl bơh ală mpồl lơh broă, cau dùl nă să tàm lơgar mờ lơgar bơdìh nàng kơnòm dềt lơgar Việt Nam sơrlèt mờ tơngai kal ke do, dong kờl ală kơnòm dềt geh dùl rơnàng tơnơ̆ do niam bơnĕ rơlao.

Cau mblàng Ndong Brawl