VOV4.K’ho- Drim òr, 14/9, Ủy ban Thường vụ Quốc hội sền sơ wì ală jơnau yal bè broă rcang, sơndră sa kuề sa kùa nam 2018. Jơnau yal đơs loh, nam do Thanh tra Chính phủ g^t go\ 120 dơ\ lơh tìs, 161 nă cau geh broă lơh gơ rềng tus sa kuề sa kùa . Anih lơh broă kuang àng lơh broă lùp khàu 378 dơ\ tìs, 770 nă cau lơh tìs bè sa kuề sa kùa…

Jat jơnau sền sơ wì bơh Uỷ ban Tư pháp Quốc hội dê, broă g^t go\ mờ lơh glài broă lơh sa kuề sa kùa neh geh ală bơta tam gơl niam. Uă dơ\ sa kuề sa kùa kơn jơ\, kal ke, lơh hoàc huơr jơtài phan bơna bơh dà lơgar dê, uă dơ\ lơh tìs gơ rềng tus kuang bàng dờng màng, sĩ quan dờng màng tàm Kuang àng, Ling klàng, jơh bal mờ kuang bàng neh ơm rlô broă… geh g^t go\ mờ lơh glài kràn cê mờ loh làng.

Bơta hơ\, tơngo\ broă lơh jơh nùs “ đơs lòt bal mờ lơh”, “ ờ geh tiah kơryan” “ ờ gơ ơm tàm bơdìh” tàm broă rcang sơn dră sa kuề sa kùa. Ủy ban Tư pháp Quốc hội sồr anih lơh broă geh gơnoar đơng lam lơh broă lùp sền, sền gròi, yăl yă, lơh glài cah r`a, tơrgùm lơh ngan g^t go\ mờ bơsong sa kuề sa kùa mờ broă lơh “ mpồl geh kuơ bal”… nàng gơ jat bal mờ broă sa kuề sa kùa gam gơlik geh tàm ngan ngồn.

Cau mblàng K’ Hạnh