VOV4.K’ho- Tơngai pa do geh jơnau yal bè 17 lồ brê, tàm tiểu khu 726, gơwèt ù tiah xã tiah nhàr lơgar Ia Dal, kơnhoàl Ia H’Drai, càr Kon Tum gơtìp cau mus kơl ai ù lơh sa suơn sre mờ pa do broă do pa geh sền sơwì.

                               Chi brê gơtìp mus kơl jơh nàng ai ù lơh sa suơn sre

Bơta pal đơs là tàm tŭ bơsong broă do gơlik geh uă bơta nisơna, bè bă brê gơtìp mus kơl ờ di là tiah brê bal mờ ală bơta ờ loh làng bè mpồl atbồ bă brê do dê. Tàm uă ngan bơnah brê 17 lồ do, làng bol neh tam bùm blàng mờ điều. Tàm hơ̆, geh bơnah tam điều neh bàr pe nam, kung geh bă brê pa mus kơl mờ pa tam. Broă 17 lồ brê tàm xã Ia Dal, kơnhoàl Ia H’Drai, càr Kon Tum gơtìp mus kơl nàng ai ù lơh sa suơn sre neh geh să tờm Bí thư Tỉnh ủy Kon Tum ồng Dương Văn Trang đơng lam sồr lơh loh bơh bồ nhai 6. Mơya mờr 1 nhai neh rlau, jơnau yal bơh ală mpồl lơh broă geh gơrềng kung tàm bơrlŭ bal mờ ờ loh làng. Mơya, bơta geh ngan ờ gơtùi dờp tàm do là uă ngan chi brê gơtìp mus kơl, chu jơh mờ broă do den neh jŏ ngan mờ ờ geh kơryan, lơh glài di tŭ.

Cau mblàng K’Hạnh