VOV4.K’ho - Đơs tàm dơ\ pơn du\t pơrjum Chính phủ bè ờs nhai 7, Thủ tướng Nguyễn Xuân Phúc đơs loh, ờ tam gơl ală broă lơh bè lơh sa, priă jền tàm nam 2018, geh bal tă dia tiah kis xăng jờu, ờ ntoăt lài rò bồ broă tam gơl drà kă bro priă jề dunia bè uă cau sồr tu\ ờ hềt geh bơta gơrềng bal mùl màl.

Broă lơh sa geh tơngo\ tam gơl bơh ală nhai lài mờ nggùl nam 2017, geh mu\t mờ khà tơnguh lơh sa uă mờ jăt jơnau đơs bơh ală cau jăk chài, geh bơta do là tài ală broă lơh ngan lơh niam wơl thể chế, broă đơng lam tơrgùm bơh Chính phủ, tơrgùm mờ dunia uă, tơnguh cồng nha broă lơh bal mờ khà tam gơl bơceh pa gơguh.

Mơya, broă lơh sa gam gơbàn mờ uă kal ke, rềs àr ờ jo\ tơngai, tềng đăp măt, geh ală rềs àr kă bro, priă jền, rềs àr priă bơcri… tàm hơ\ uă ngan là broă tam dră kă bro bơh lơgar Mỹ mờ lơgar Lo mờ ală broă tă dia bơh lơgar Mỹ… broă gơbàn rềs àr bơh trồ tiah pơn jăt tai gơbàn kal ke, lơh uă broă gơrềng ờ niam tus mờ broă lơh sa bal mờ rài kis làng bol.

Ồng Nguyễn Xuân Phúc đơs tòm, pal pơn jăt tai geh sùm khà gơguh lơh sa, gàr sùm khà gơguh lơh sa, ờ mìng tàm nam do mờ jơh ală nam pơn jăt tai.

Ồng Nguyễn Xuân Phúc sồr ală kuang bàng tàm Chính phủ đơng lam nền nòn rơlao, pràn kơl dang rơlao, lơh jăt ală broă, ală kơnòl tàm gah broă mờ ală kuang bàng geh lơh; geh rơndăp broă lơh mùl màl, tam pà kơnòl loh làng, jào kơnòl sền gròi tàm broă lơh jăt kơnòl, tàm hơ\ uă ngan là bơsong thể chế gam lơh kal ke tus mờ broă tơnguh bơtàu dà lơgar dê.

Cau mblàng Ndong Brawl