VOV4.K’ho- Tơnơ\ 6 nam ờ geh bơtơl tai biên chế, gah bơto bơtê càr Kon Tum tu\ do gam ờ tơl tus 1.800 nă cau pơgru mờ cau lơh broă. Tàm ală hìu bơsram ờ tơl cau pơgru, ală cau pơgru gam ngai pah ngai ai jơh pràn he dê lơh ngan lơh niam broă bơto sră mờ broă ndai bơh hìu bơsram dê.

            Bơh nam 2012 tus tu\ do gah bơto bơtê càr Kon Tum ờ geh bơtơl tai dùl biên chế lơi. Tơnơ\ 6 nam ờ geh ai biên chế, cau lơh broă bơh gah bơto bơtê dê tu\ do ờ tơl tus 1.800 nă cau pơgru mờ cau lơh broă. Tàm hơ\, bơta ờ tơl cau pơgru geh uă ngan tàm ală kấp bơsram mầm non bal mờ 505 nă, kấp một là 513 nă.

Ồng Nguyễn Phúc Phận, Giám đốc Sở Giáo dục mờ Đào tạo càr Kon Tum dê pà gi\t, broă ờ tơl uă ir cau pơgru gam lơh gơlik bơta à` ơ nòng kơn jơ\ kơn ju\t ngan gơ wèt mờ broă lơh bơto bơtê bơh càr dê.

Do là broă kal ke ngan gơ wèt mờ gah bơto bơtê in, ngan là ală hìu bơsram tàm kấp một mờ kấp mầm non. Dùl nă ùr pơgru ờ gơtùi bơto dùl ơdu\ bán trú ai mẫu giáo in kung bè dùl ơdu\ 2 [ùi dùl ngai ai kơnòm bơsram kấp một in bơsram bơh drim tus mho ờ.

Bơdìh hơ\ tai, den broă bơtàu tơnguh ală hìu bơsram, cơldu\ bơsram kung là dùl jơnau kal ke tai. Pơnyơu bè, kơnhoàl Ia H’Drai pa crơng gơs, khà kờp làng bol mờ ntrờ` ơm kis khat gơboh, gơguh ờ gơtùi gi\t lài bơh ală tiah ndai tus, ală anih bơto bơtê pal geh. Broă ai cau pơgru tus bơto tìp uă ngan kal ke.

Ờ tơl biên chế den tàng cau pơgru pal tru\ gơm is biăp piang ai kơnòm bơsram ơm sa ngai tàm hìu bơsram in

Tàm ală hìu bơsram ờ tơl cau pơgru, Ban giám hiệu mờ ală cau pơgru gam pal ko\ng mờ bơta à` ơnòng kơn jơ\ kơn ju\t ngan. Mò Vũ Thị Việt Hà, Hiệu trưởng Hìu bơsram mầm non Sao Mai, xã Sa Sơn, kơnhoàl Sa Thầy pà gi\t, hìu bơsram geh 1 anih hìu bơsram tờm mờ 2 anih hìu bơsram dềt.

Nam bơsram do hìu bơsram geh 164 nă kơnòm bơsram bal mờ 8 nă cau pơgru. Jat Thông tư liên tịch sồ 06 ngai 16/3/2015 đah 2 Bộ là Bộ Giáo dục mờ Đào tạo bal mờ Bộ Nội vụ dê ai bè mat tơngume anih broă lơh, ai khà cau lơh broă tàm ală anih bơto bơtê mầm non dà lơgar crơng gơs, den hìu bơsram gam ờ tơl 5 nă cau pơgru den hơ\ sồng lơh niam broă sền gàr bơto bơtê kơnòm.

Tàm ală tu\ sền gàr bơto bơtê ală sau, ờ tơl pơgru bè hơ\ den ală ùr pơgru bòl glar ngan. Gơ wèt mờ kuang bàng atbồ tàm tơngai cau pơgru gơtìp kòp halà geh broă is nisơna den kuang bàng atbồ tàm ala gơ\p dong kờl bal, sền gàr bơto bơtê ală sau. Dilah mờ geh 5 nă pơgru do bơto tàm ơdu\ den ală ùr pơgru geh tơrmù [à bơta à` ơnòng kơn jơ\ kơn ju\t sền gàr ală sau.

Uă nam sùm dùl nă să atbồ ơdu\ bán trú Lá 1, Hìu bơsram mầm non Sao Mai, ùr pơgru Mạc Thị Chinh yal, broă pal atbồ ơdu\ dùl nă să là bòl glar ngan.

Ală sau lòt jă brê lòt đồm là uă ngan, ală sau tàm trus gơp. Hơ\ sồng bàr pe nă sau kung gam ơm wơl tàm ơdu\. Tu\ mờ ùr pơgru lòt tus hờ hìu jă brê den ờ go\ geh ùr pơgru atbồ tàm ơdu\. Tu\ tơn siam ală oh in sa, den dùl nă să lơh jơh ală broă tơn den tàng kung kal ke sơl.

Broă sền gàr bơto bơtê bơh àng drim tus mho tơn. Tơn um ràu kloh să jan ală sau in, jùt muh mat ală sau in. Geh dùl nă ùr pơgru tàm dùl ơdu\ den bol oh geh broă lơi nisơna, halà kòp dan ơm rlô den bol oh gơtìp kal ke ngan.

Ờ tơl cau pơgru den tàng neh uă nam do, ùr pơgru Chinh dùl nă să dờp bơto dùl ơdu\

Tàm rlau 1 rbô nă cau pơgru gam ờ tơl bơh càr Kon Tum dê, tơrgùm uă tàm pe kơnhoàl mờ [òn dờng là, Sa Thầy ờ tơl 321 nă, Đăk Hà ờ tơl 303 nă, mờ [òn dờng Kon Tum ờ tơl 264 nă.

Bal mờ ờ tơl cau pơgru, jơh gùt gah bơto bơtê càr Kon Tum dê gam ờ tơl pơgăp 800 biên chế ai broă tru\ gơm phan sa tàm ală hìu bơsram mầm non, nội trú mờ dờp lơh kơnòl broă kế toán, atbồ kes priă, thư viện, lơh sơnơm. Jơnau krơi sơbơi rlau là tàm tu\ gam ờ tơl biên chế den gah bơto bơtê tiah do kung gam pal lơh jat broă lơh tơrmù biên chê sơl.

Tềng đap jơnau ờ tơl pơgru jo\ jòng, mò Nguyễn Thị Thoa, lơh broă gah broă rơndăp broă, Phòng Giáo dục mờ Đào tào kơnhoàl Đăk Hà dê gơlơh kơlôi rơcang ngan bè cồng nha atbồ mờ bơto bơtê.

Pơgru kòp tê jê să geh ală hìu bơsram kuang bàng atbồ ndrờm bè pal lòt bơto jơh gùt nhai tơn, ờ go\ di là jat jơnau ai tai ờ. Jat jơnau ai hiệu trưởng 2 tiết tàm dùl poh, hiệu phó 4 tiết tàm dùl poh mơya ndrờm bè là kuang bàng atbồ pal bơto uă rlau khà tiết jat jơnau ai den tàng gơrềng tus broă lơh atbồ bal.

Gơ wèt mờ cau pơgru dilah gơtìp kòp jê. Geh dùl nă cau pơgru kòp jê dùl hìu bơsram den kung gam [ươn sơl, geh tu\ geh ală anih hìu bơsram, bàr anih hìu bơsram ndrờm geh pơgru kòp den pal tơrgùm bal ơdu\ hơ\ wơl den khà kơnòm bơsram gal ngan, k[àng cơghế ờ tơl den tàng gơrềng tus cồng nha bơto bơtê.

Pơgru lam ală kơnòm bơsram nhơl tàm tu\ jiơ rlô bơsram

Nàng bơsong bơta ờ tơl cau pơgru, ală hìu bơsram tàm càr Kon Tum tàm uă nam do neh pal lơh ngan jơh nùs jơh pràn nàng lơh niam broă lơh bơto bơtê mờ ală broă lơh ndai bơh hìu bơsram dê.

Uă gùng dà broă lơh kung neh geh lơh sơl, bè: pơgru âm nhạc, tàp pràn să jan, wa\c rùp, văn, toán tus bal bơto uă hìu bơsram, dùl nă cau cau lơh sơnơm dờp lơh broă bal tàm uă hìu bơsram tàm dùl kơnhoàl ù tiah; cau lơh broă văn thư, kế toán, atbồ kes priă, dùl nă cau êt ngan kung dờp lơh 2 broă; cau pơgru bal mờ ală tiết bơto pal dờp lơh tai dùl bơnah broă bơh cau lơh broă dê…

Mơya, loh làng do mìng là ală broă bơsong gơ jă gơ jal tu\ do lơm. Dilah ờ geh bơtơl biên chế di tu\, gah bơto bơtê càr Kon Tum mờ ală cau pơgru geh kung gam pal ko\ng mờ bơta à` ơnòng kơn jơ\ kơn ju\t ngan bơh broă mờ khi sền là geh lơh jơh dùl rài kis tơn.

Cau mblàng Lơ Mu K’Yến