VOV4.K’ho- Pa do, Pôs đồng ling sền gàr tiah nhàr lơgar Mpồng nhàr lơgar Thuận An, gơ wèt Mpồl ling sền gàr tiah nhàr lơgar càr Dak Nông pờ 2 ơdu\ bơto sră ai làng bol kòn cau ờ git sră in tàm xã tiah nhàr lơgar Thuận An, kơnhoàl Dak Mil.

2 ơdu\ bơsram do krơi is ngan, tài bơh sơnam bơh cau bơsram dê là bơh kơnòm dềt tus cau kra, pal pơgồp bal jơh bal 3 mpồl cau lòt bơto hơ\ là cau ling, cau pơgru mờ cau bơto pơlam.

Tus mho mang jơngo, tàm tiah nhàr lơgar Thuận An, kơnhoàl Dak Mil, càr Dak Nông (rềp nhàr bal mờ lơgar Campuchia) trồ tiah gơlơh mrềt dùl êt, mơya nùs nhơm bơh ơdu\ bơto sră ai cau ờ gi\t sră tàm [òn Sa Pa in gam “duh” tài bơh bơta jơh nùs ngan bơh “cau pơgru” là cau ling sền gàr tiah nhàr lơgar dê, đơs mờ cau bơsram là “làng bol” niam nùs ngan. Ai cau bơsram den tơryang tơryồng ngan pờ tê đơs tài geh ùr pơgru atbồ ơdu\ mờ ală cau bơto pơlam dong kờl, bơto pơlam ngan ngồn.

Pa tơn jơh jơnau bơto “cộng trừ tàm khà 5” ai ơdu\ bơsram in, Đại úy Lang Văn Năm, Phó chính trị viên Pôs đồng ling sền gàr tiah nhàr lơgar Mpồng nhàr lơgar Thuận An pà gi\t, do là ơdu\ bơsram krơi is ngan, den tàng broă bơto kung krơi sơl.

Jơnau krơi is ngan bơh ơdu\ bơsram do dê là bơta bơtòm tơrgùm geh uă ngan làng bol tàm sơnam krơi is; bơh ală oh dềt tus ală oh mi dờng sơnam geh tu\ là geh bal cau kra sơl. Do là ală cau digơlan neh gi\t sră mờ gơtìp ờ gi\t sră wơl. Khi neh gi\t wa\ geh bơta kuơ mờ bơta dờng màng bơh broă bơsram sră dê gơ wèt tus mờ rài kis pah ngai.

Jơnau sồr gơ wèt mờ cau pơgru bơto, lài ngan là sền gròi, bơto pơlam pal nền nòn ngan, đềt mềr ngan. Mờ dùl jơnau sồr kuơmàng ngan gơ wèt mờ dùl nă cau pơgru là lơh geh bơta chờ hờp ai ală cau bơsram in sền go\ gơ lơh gơ dan mờ lơh geh bơta chờ hờp, bơta kờ` gơboh tàm ală tu\ lòt bơsram.

Kàl do, tàm xã tiah nhàr lơgar Thuận An, kơnhoàl Dak Mil, càr Dak Nông làng bol ờ ru ngan mờ broă tuh dà kơphê in, tơnhàu tiêu, mơya tus mho mang, ală cau bơsram bơh ơdu\ bơto sră ai cau ờ gi\t sră in kung gam geh mat tơl sơl. Geh uă hìu bơnhă, geh jơh bal pơ ùr bal mờ bơklau, oh kòn ndrờm lòt bơsram bal.

   Tàm tu\ cau pơgru bơto tềng k[àng, den tàm hơđơm ơdu\ pal geh cau dong kờl, bơto pơlam nàng cau bơsram in mhar gi\t

Pơnyơu bè ùr bơklau bi Y Nhót mờ H’Brú ơm tàm [òn Sa Pa pal lòt pơyua kòn dềt mờ mè pơ ùr dê nàng lòt bơsram. Mpàng tê jơh plàu lơm tài bơh tơngai jroh mìu sa, ùr bơklau bi tam ìa kơ\ cih jat tơl akhar, hơ\ sồng pờ mpàng tê kờp tơl sồ. Bi Y Nhót yal, tu\ gam dềt kung lòt bơsram sơl, mơya bơsram ờ tus gùng tus dà, tu\ do pal lòt bơsram wơl. Jơh bal 2 nă ùr bơklau bi ờ gi\t sră, gơtìp kal ke ngan tàm rài kis kung bè ròng siam bơto bơtê oh kòn, den tàng lơh ngan lòt bơsram.

Pơ ùr den lòt jat mè bèp lòt lơh mìr lơh sươn, ai a` den lòt bơsram dùl êt lơm. A` ờ gi\t sră den tàng ờ gi\t sơnơm tơm ba, rơcang sơndră tu kòp lơh aniai tờm kơphê, tiêu. Bơsram den nàng gi\t kờp du\ cộng trừ nhân chia nàng geh tu\ he tăc blơi phan do phan ne. Ròng kòn den pal geh bơto bơtê bơsram sră. A` bơsram di dùl poh do, neh gi\t sồ, gi\t akhar mờ gi\t cộng trừ nhân chia sơl.

Ùr pơgru Trần Thị Mai, Hìu bơsram kấp một Nguyễn Văn Trỗi atbồ 2 ơdu\ bơto sră ai cau ờ gi\t sră in pà gi\t, rlau 60 nă cau bơsram tàm 2 [òn Sa Pa mờ Bu Dak là bơtòm tơrgùm uă sơnam krơi is; bơh 8 sơnam tus rlau 50 sơnam.

Jơh ală cau bơsram ndrờm là cau M’nông lơm, mờ là làng bol kòn cau jat yàng, den tàng broă pờ ơdu\ neh geh kơlôi sơnơng nền nòn ngan. Ơdu\ bơto geh pờ pah poh 4 dơ\ tàm trồ mang, bơh 7 jiơ tus 9 jiơ mang.

       Ơdu\ tơn jơh bơta ờ git sră “3 tàm 1” tàm [òn Sa Pa, xã nhàr lơgar Thuận An, kơnhoàl Dak Mil, càr Dak Nông

Bal mờ broă ai cau pơgru bơto, cau ling sền gàr tiah nhàr lơgar lòt hòi jà, mblàng yal nàng làng bol in lòt bơsram sùm, mờ pah mang kung ai mpồl cau lòt drơng gàr, kờ` gàr niam bơta lơngăp lơngai. Tàm tu\ cau pơgru bơto tềng k[àng, den tàm hơđơm ơdu\ pal geh cau dong kờl, mblàng mờ dà kòn cau, bơto pơlam nàng cau bơsram in mhar gi\t.

Tàm ală nam do, pôs đồng ling sền gàr tiah nhàr lơgar Mpồng nhàr lơgar Thuận An, sùm pơgồp bal mờ kấp ủy, gơnoar atbồ tiah do, lơh uă broă lơh geh kuơ dong làng bol bơtàu tơnguh lơh sa- mpồl bơtiàn.

Mìng is nam 2017 pa do, neh jàu pà 15 nơm kơnrồ ai hìu r[ah in ròng tàm pơdar, dờp dong kờl uă kơnòm bơsram lòt bơsram. Pa do, Pôs đồng neh rơcang lài pơgồp bal mờ gah bơto bơtê pờ 2 ơdu\ bơto sră ai làng bol kòn cau ờ gi\t sră tàm tiah do in.

Jat ồng Nguyễn Văn Cường, Phó Chủ tịch Ủy ban Nhân dân xã Thuận An, kơnhoàl Dak Mil, càr Dak Nông yal, do là ơdu\ bơsram krơi is ngan, pal geh jơh bal 3 mpồl cau lơh bal, tàm hơ\ geh cau pơgru, cau ling mờ cau dong kờl.

Cồng nha lơh geh bơh ơdu\ bơsram do dê, ờ mìng dong làng bol gi\t sền gi\t cih, tơnguh jơnhoa gi\t wa\, mờ gam pơgồp bơnah uă ngan nàng nam do xã Thuận An lơh jơh ală broă lơh bơ\t bơtàu [òn lơgar pa.

            Nàng tơn jơh bơta ờ gi\t sră ai ală cau do in den đơs ngan là ờ gơtùì ờ geh mpồl cau pơgồp bal, rềp mềl mờ [òn lơgar hơ\ là ală oh mi cau ling sền gàr tiah nhàr lơgar lơh broă tàm ù tiah xã dê. Tàm broă lơh lùp kờp, pơgồp bal bơyai lơh geh ală ơdu\ do den ndrờm geh ală oh mi cau ling sền gàr tiah nhàr lơgar.

Bơh broă lơh bơyai lơh ơdu\ tus mblàng yal hòi jà kung kờ` pal geh oh mi cau ling sền gàr tiah nhàr lơgar. Ală ơdu\ do geh lơh tàm trồ mang tai den tàng ling sền gàr tiah nhàr lơgar ai tai cau lòt sền gàr bơta lơngăp lơngai, kờ` ai ơdu\ do in lơh geh cồng nha.

Jat broă rơndăp lơh, 2 ơdu\ bơto sră ai cau ờ gi\t sră in tàm 2 [òn Sa Pa mờ Bu Dak, xã Thuận An, kơnhoàl Dak Mil, càr Dak Nông geh tơn jơh tàm dơ\ tơngkah ngai 30/4, tơngkah 43 nam Ngai tơngklàs tiah đah jum dà lơgar.

Tu\ tơngai do geh bơta kuơ ngan, tài bơh tu\ do, tiah nhàr lơgar do geh ờ gam cau lơi ờ gi\t sră tai, bồ tơngoh gi\t wa\ bơh làng bol dê ngai sơlơ tơnguh tai, pơgồp bơnah kuơmàng tàm bơtàu tơnguh lơh sa- mpồl bơtiàn mờ bal mờ cau ling sền gàr tiah nhàr lơgar gàr kơ\ gơnoar tờm ù tiah lơngăp lơngai tiah nhàr lơgar dà lơgar dê.

Cau mblàng mờ yal tơngit- Lơ Mu K’Yến