VOV4.K’ho – Ơm ing ai priă tàm gơl gùng pleh Cai Lậy bơh 1 tus 2 nhai nàng ală gah, sơnah lơh broă dà lơgar geh gơ rềng pơn jat tai lơh loh tai jơh ală bơta. Do là kơrnuat geh ai tơlik tàm mang òr tơn, 4/12, bơh Thủ tướng Chính phủ, ồng Nguyễn Xuân Phúc dê, tơnơ\ dơ\ pơrjum mờ Bộ Giao thông -  Vận tải mờ kuang đơng lam bồ càr Tiền Giang bè broă gơlik geh tàm trạm BOT Cai Lậy.

Thủ tướng đơs tờm,  geh ală broă di mờ adat boh lam, di mờ rơndap broă mơya ờ di mờ bơta geh ngan, ờ di mờ nùs nhơm làng bol dê den bol he kờ` pal iat, cih dờp nàng lơh niam wơl. Thủ tướng Nguyễn Xuân Phúc kung đơs tờm rơndap broă lơh bơt bơtàu phan bơna gùng lòt jat broă lơh BOT là di ngan mờ pal pơn jat tai lơh broă lơh do nàng bơt bơtàu phan bơna gùng lòt pa.

Bơh nùs nhơm hơ\, tàm tu\ Bộ Giao thông - Vận tải lơh jơh rơndap broă dut ndơl nàng yal Thường trực Chính phủ in geh kơrnuat, ală anih lơh broă geh gơ rềng kờ` pal lơh glài krà` ală mpồl bal, cau dùl nă să lơh tìs bè yal tơngguh khà kung bè sền wơl khà priă tă mờ anih lơh trạm tă priă nàng ờ mìng gàr niam gơnoar kuơ làng bol dê, mờ gam pơgồp bơnah chul chồl ală rơndap broă lơh BOT gùng lòt; krà` cê ờ go\ lời broă lơh sa gơlik gơs ală bơta ờ niam tàm mpồl bơtìan.

Trạm ai priă Cai Lậy lơh broă bơh ngai 1/8. Bulah bè hơ\, tơnơ\ hơ\ uă cau mai\ rơndeh neh ngui priă rài blơi ve\ nàng dră wơl trạm geh lơh tìs anih lơh. Broă do neh lơh trạm do gơtìp kòl gùng lòt uă ngan tàm uă ngai, lơh aniai tus ngap lơngai ờ do ờ dă tàm mpồl bơtiàn.