VOV4.K’ho- Mho ngai 23/09, tàm Hìu duh broă Bộ Ngoại giao, ồng Phạm Quang Hiệu- Thứ trưởng Bộ Ngoại giao neh sền gŏ bal Dơ̆ bơyai lơh dờp ai lơh pơnyơu gời bơnah priă dong kờl kờp priă tus 300 rbô dolar Mỹ bơh Đại sứ lơgar Oman dê tàm Hà Nội, ala măt Chính phủ mờ làng bol lơgar Oman, jàu ai cau ala măt Ủy ban Mặt trận dà lơgar Việt Nam in dong kờl làng bol bàr pe càr tiah tàm gùl lơgar Việt Nam gơtìp gơrềng tài bơh dà tih dà cò lơh aniai tàm tơngai lài. Đơs tàm dơ̆ bơyai lơh, ala măt Mặt trận dà lơgar Việt Nam ưn ngài bơta dong kờl geh kuơ ngan bơh Chính phủ mờ làng bol lơgar Oman dê, mờ pà gĭt geh mhar tam pà bơnah priă dong kờl tus bàr pe tiah in nàng kờñ dong kờl lơh hìu ơm ai ală hìu bơnhă gơtìp hoàc hươr kơn jơ̆ tàm tiah dà tih pơgồp bơnah mhar bè ờs wơl rài kis bơh làng bol tàm tiah do dê.

Cau mblàng Lơ Mu K’Yến