VOV4.K’ho –Rwah xã Dà K’Nàng, kơnhoàl Dam Rong, càr Lâm Đồng lơh [òn dơ\ 2 nàng ơm kis, tus tu\ do, làng bol cau Dao ntrờn ơm kis bơh ală càr tiah đah tô dà lơgar neh kis gơrờm bal niam mờ ală jơi bơtiàn kòn cau oh mi tàm do, rơcang lài bơtàu tơnguh lơh sa mờ prăp gàr geh rài kis niam chài is ờs mờng bơh yau.

Thôn Dà Pin, xã Dà K’Nàng, kơnhoàl Dam Rong, càr Lâm Đồng, geh rlau 350 hìu bơnhă mờ pơgăp 2 rbô nă cau Dao ơm kis. Ồng Triệu Văn Nhậy, Kuang atbồ Thôn Dà Pin pà gi\t, làng bol tàm do tam klac ngan mờ ală jơi bơtiàn kòn cau oh mi ơm kis bơh yau tàm do, bal mờ gơ\p bơtàu tơnguh lơh sa, bơ\t bơtàu rài kis pa hờm ram lơngăp lơngai. Ồng Triệu Văn Nhậy, đơs:

“Cau Dao bơh tiah kơh bơnơm đah tô dà lơgar mu\t tàm do bơh nam 1996. Làng bol neh rơcang lài lơh sa, lơh jat kơrnoat boh lam tàm tiah he ơm kis. Uă hìu bơnhă lơh sa neh tơl ngui tơl sa rlau. Oh mi ală jơi bơtiàn kòn cau tàm do tam klac ngan, ờ geh bơta tàm gơjra` kơuềng lơi. Geh bơta sền gròi dong kờl bơh Đảng mờ Dà lơgar dê, làng bol neh lơh sa kơ\ kơl jăp mờ ơm kis. Tu\ do, 100% hìu bơnhă cau Dao tàm do hơ ờ go\ mus brê lơh mìr tai. Bơdìh mờ lơh sa, den làng bol kung gam prăp gàr sơl bơhiàn niam chài is jơi bơtiàn dê, pah nam kung gam bơyai lơh kấp sắc sơl jat bơhiàn ờs mờng bơh yau. Ưn ngàì ngan Đảng mờ Dà lơgar neh sền gròi dong kờl tus broă lơh sa kung bè sền gàr bơhiàn niam chài is jơi bơtiàn bơh cau Dao dê”.

Kơnờm bơh ală bơnah priă càn ờ sa priă cồng uă bơh dà lơgar dê, uă hìu bơnhă cau Dao tàm thôn Dà Pin neh bơcri priă geh cồng nha tàm tờm kơphê mờ ròng uă phan ròng. Hìu bơnhă bi Triệu Văn Lợi là dùl tàm khà uă ngan hìu bơnhă neh sơrlèt gan kal ke brồ guh lơh pas. Mờ 5 lồ kơphê, kờp bal pah nam hìu bơnhă bi lơh geh 15 tấn kơphê gar. Bi Triệu Văn Lợi, đơs bè do:

“Tu\ pa mu\t tàm do, rài kis r[ah lơ ời ngan, ờ go\ geh phan bơna lơi. A` sền go\ trồ tiah ù tiah tàm do gơdờp mờ tờm kơphê. Gơnoar atbồ tàm do kung dong kờl sơl pà càn priă bơcri tàm broă lơh sa. Tu\ do, lơh sa hìu bơnhă dê kung neh tơl ngui tơl sa đau sơl”.

Ùr bơklau bi Triệu Văn Toàn mờ Đặng Thị Cò tơnơ\ tu\ cah hìu lik ơm is, neh gi\t tềm pềr nàng hời rơhời rề ơnàng bă ù tam kơphê. Tu\ do, hìu bơnhă ùr bơklau bi geh rlau 6 lồ kơphê, tàm hơ\ geh mờr 4 lồ neh ai tơnhàu. Bal mờ broă ròng siam phan ròng, hìu bơnhă bi neh geh phan sa phan prăp pềr, sền gròi ròng siam oh kòn lòt bơsram. Bi Đặng Thị Cò, chờ hờp đơs bè do:

“Ùr bơklau oh ưn ngài ngan gơnoar atbồ tiah do neh sền gròi dong kờl. Tu\ pa bau hìu bơnhă lik ơm is, ùr bơklau oh rài kis lơh sa bòl glar kal ke ngan. Gơnoar atbồ tiah do neh dong kờl pà càn priă hìu r[ah nàng ròng sur. Tơnơ\ hơ\ hời rơhời tềm pềr priă jền nàng bơcri rề ơnàng bă ù tam tờm kơphê. Ùr bơklau oh neh lơh ngan tơryang tơryồng lơh sa, kờp du\ chài ngan tàm broă dơ\ ngui tàm rài kis den tàng hìu bơnhă oh hời rơhời kơ\ kơl jăp bè tu\ do”.

Jat ồng Nguyễn Bá Nhân, Phó Chủ tịch Ủy ban Nhân dân xã Dà K’Nàng dê đơs, kung ndrờm bè ală jơi bơtiàn kòn cau ndai sơl, ală hìu bơnhă cau Dao tàm xã sùm geh gal ngan kòn. Bulah bè hơ\, làng bol neh lơh jat nùs nhơm kơlôi rơcang is tàm broă lơh sa, sùm lùp bơsram bơta pa, bơta jak, den tàng rài kis tam gơl mhar ngan. Ồng Nguyễn Bá Nhân, đơs:

“Xã Dà K’Nàng geh 5 jơi bơtiàn kòn cau oh mi ơm kis bal, tàm hơ\ làng bol ntrờn ơm kis khat gơboh bơh tiah đah tô dà lơgar mu\t tàm do gam hời rơhời kơ\ kơl jăp, den geh cau Dao. Cồng nha lơh sa bơh xã dê lơh geh tàm ală nam pa do geh bơta bơtàu tơnguh uă ngan, tàm hơ\ geh bơta tă pơgồp bơh cau Dao dê. Cau Dao mu\t ơm kis tàm do neh jơh nùs ngan lơh jat gùng dà broă lơh bơh Đảng, kơrnoat boh lam Dà lơgar dê, kung bè jơh nùs bơtàu tơnguh lơh sa, lơh pas di pal, ờ go\ mus brê lơh mìr, tam klac bal mờ jơi bơtiàn kòn cau ơm kis bơh yau tàm do. Bơh bàr pe hìu r[ah, hìu kal ke, tus tu\ do làng bol neh lơh ngan lơh pas, geh hìu lơh sa lơh geh priă jền tus pơgăp 2, 3 rhiang tơlak pah nam”.

Xã Dà K’Nàng là xã tiah sar lơgar ngài bơh kơnhoàl Dam Rong, càr Lâm Đồng dê mờ uă ngan khà kờp làng bol là cau kòn cau. Tu\ do, xã rơ\p pa lơh geh 13 broă bơ\t bơtàu [òn lơgar pa, khà hìu r[ah kung gam uă sơl. Ală bơta lơi mờ cau Dao neh lơh geh là pal cih dờp ngan, lơh krơh niam ai ală làng bol kòn cau tàm tiah do in lùp bơsram đòm jat, bal mờ gơ\p tàm pơrlòng mhar dong bơtàu tơnguh lơh sa, bơ\t bơtàu [òn lơgar pa hờm ram lơngăp lơngai!

Cau mblàng Lơ Mu K’Yến