VOV4.K’ho - Tơngai pa do, tàm [òn dờng Buôn Ma Thuột, càr Dak Lak, geh ờ uă anih lơh sa kă bro bal mờ hìu nhă neh crăp pil năng lượng măt tơngai geh cồng nha loh làng ngan. ồs đèng do ờ mìng drơng tàm broă lơh sa, kă bro mờ tàm rài kis mờ gam gơtùi tơmu\t bal tàm gùng che ồs đèng dà lơgar kờ` gờ` geh ai wơl priă bơcri lơh.

Lồi kàl prang tàm Tây Nguyên, trồ tơngai duh ngan, mơya tàm hìu tăc sră Tây Nguyên bơh Công ty Cổ phần sră phan hìu bơsram Dak Lak, tàm [òn dờng Buôn Ma Thuột gam mrềt niam.

                              Pil năng lượng măt tơngai geh crăp hờ đang rơkàng hìu tăc sră Tây Nguyên

Jơh ală măy mrềt, ồs đèng àng, ală bơta măy mo\k, phan ngui ồs đèng bal mờ ntùng măy tàm hìu lơh broă do geh lơh bơh pil năng lượng măt tơngai crăp hờ đang rơkàng hìu.

Ồng Lê Nguyên Bá, Phó kuang atbồ Công ty pà g^t, broă lơh ồs đèng măt tơngai do geh 264 pang pil, mờ bơta pràn 86kWp, ai geh ồs đèng pah nam di pơgăp 126 MWh ồs đèng, ờ mìng tơl ồs đèng ai hìu tăc sră in lơh broă mờ gam jơnkah kờ` tơmu\t bal tàm gùng che ồs đèng dà lơgar. Bơh cồng nha lài ngan do, tàm tơngai tus, Công ty Cổ phần sră phan hìu bơsram Dak Lak geh pơn jăt gtai bơcri priă crăp tai pil năng lượng măt tơngai tàm 3 hìu tăc sră công ty dê:

-Pah ngai ồs đèng bơh măt tơngai crăp tàm hìu tăc sră bol a` lơh geh di pơgăp 500kWh ồs đèng, tàm hìu tăc sră mìng geh ngui ờ hềt tus 200kWh ồs đèng. Bè hơ\ là khà ồs đèng jơnkah tăc mờ gah lơh ồs đèng pah nhai rơlao 200kWh ồs đèng.

Bol a` neh k^ hơ lơh boă bal mờ Công ty Điện lực Dak Lak dờp khà geh lài ngan mờ tăc ồs đèng. Broă kă bro ồs đèng do den lồi nam, bơh 2 công ty kơlôi sơnơng bal 1 dơ\. Bol a` kơlôi sơnơng tơnơ\ mờ 5 nam geh tơm jơh wơl priă neh bơcri. Gam bơh 20 tus 25 nam tơnơ\ den bol a` ngui gời ờ sa priă.

Kung ndrờm bè do sơl, tàm drà Buôn Ma Thuột kung geh bơcri 8 tơmàn priă kờ` crăp pil năng lượng măt tơngai mờ bơta pràn mờr 440 kWp. Pah ngai pil do geh lơh gơs rơlao 1 rơbô 700 kWh ồs đèng, mờ di gơlan kờp jơh khà ồs đèng pah nam lơh geh rơlao 630 rơbô kWh.

                                                            Ai geh pah nam 126MWh ồs đèng

Ồng Võ Thành Lân, Phó kuang atbồ Công ty Cổ phần bơcri priă lơh mờ kă bro drà Buôn Ma Thuột pà g^t: lài do, pah nhai công ty do pal tơm rơlao 300 tơlăk priă ngui ồs đèng, mơya bơh tu\ geh pil năng lượng măt tơngai, priă ồs đèng mìng geh tơm gam 1 bơnah 3, mờ neh tơmu\t bal tàm gùng che ồs đèng dà lơgar rơlao 40 rơbô kWh ồs đèng:

-Pah nhai công ty pal tơm ai công ty Điện lực in 300 tơlăk priă, tu\ do mìng gam 100 tơlăk priă. Tàm ală ngai trồ tơngai duh bè pa do, khà ồs đèng geh lơh tàm trồ ngai, trồ tơngai den khà ồs đèng tàm drà ngui ờ jơh, den khà ồs đèng lơh bơh pil năng lượng măt tơngai geh tơmu\t bal tàm gùng che ồs đèng dà lơgar, mờ geh cơ chế tơmù khà ồs đèng geh tơmu\t wơl. Kờp jơh khà priă bơcri di pơgăp 8 tơmàn priă, cồng nha geh pah nhai di pơgăp 150 tơlăk priă den mìng geh rơlao 5 nam den geh tơm jơh priă bơcri lơh. Mơya pil do mìng geh ngui 25 nam den gam 20 nam tai ngui pil do là ngui gời.

Kờ` dờp bal mờ gùng dà broă lơh bơh Chính phủ dê tàm broă tềm pềr, lơh năng lượng kloh, Công ty Điện lực Dak Lak là 1 tàm ală mpồl lơh broă lam lài crăp pil năng lượng măt tơngai tàm hìu lơh broă; mờ tus do geh lơh tàm ală mpồl lơh broă bal.

Ồng Lê Hoài Nhơn, Phó kuang atbồ Công ty Điện lực Dak Lak pà g^t, công ty kờ` ngan mờ ală anih lơh broă, ală cau crăp pil năng lượng măt tơngai, tu\ lơi kung dong kờl broă lơh kờ` tơmu\t bal mờ gùng che ồs đèng dà lơgar. Tu\ do, tàm [òn dờng Buôn Ma Thuột neh geh 6 anih lơh broă, mpồl lơh broă bal mờ hìu làng bol crăp pil do, lơh broă geh cồng nha ngan:

-Tu\ do, he ngui ală năng lượng hoá thạch mờ năng lượng lơh geh tai bè dà lơh gơs ồs đèng, mơya phan do sơlơ ngai sơlơ ờ uă tai, lơh den kung jơh sơl. Tàm càr Dak Lak kung gam lơh, tềng đăp măt là ồs đèng năng lượng bơh măt tơngai. Lồi nam 2017 tus bồ nam 2018 do, bol a` lơh jăt ală kơrnoăt kung bè thông tư bơto sồr bơh Thủ tướng Chính phủ mờ Bộ, gah lơh broă geh gơnoar.

Tu\ ală mpồl lơh broă ha là cau 1 nă să is geh crăp pang pil măt tơngai do den bol a` geh kơnòl sền kờ` g^t di pal, crăp jơ was, ai geh khà kờp. tài tu\ ồs đèng măt tơngai geh tơl^k jơnkah den tơmu\t bal tàm gùng che ồs đèng bol a`, kờ` lơh cơng tàng tơm priă tơnơ\ do. Di gơlan Dà lơgar geh cơ chế lam sồr tơm priă khà ồs đèng jơnkah hơ\.

Ồs đèng măt tơngai là ồs đèng kloh, khà priă lơh ờ tam gơl jăt mờ phan lơh lài ngan bè ală bơta năng lượng ờs mờng ndai. Là càr geh tơl bơta [uơn kờ` lơh năng lượng do, bal mờ cơ chế, broă ai lơh bơh dà lơgar, uă anih lơh sa kă bro bal mờ hìu nhă tàm [òn dờng Buôn Ma Thuột, càr Dak Lak gam lơh ngan ai tơngai duh lơh gơs ồs đèng. Bơh tu\ hơ\ pơgồp bal tàm broă gàr tơl ồs đèng càr in bal mờ dà lơgar tàm tơngai tus.

Cau mblàng Ndong Brawl