VOV4.K’ho-Thôn Nam Dao, xã Nâm Nđir là dùl tàm [òn lơgar kal ke ngan bơh kơnhoàl Krông Nô, càr Dak Nông dê. Gùng lòt kal ke tài bơh [òn ơm tềng hơđang dòr bơnơm jơnhoa, ù tiah jơh klàr, ờ gam nđiơm gơs tai, phan bơna siơ\u siar ngan.

Bơh nam lài tus tu\ do, mờ bơta bơcri priă bơh Dà lơgar dê bal mờ bơta dong kờl bơh Công ty Ồs đèng Dak Nông dê, thôn Nam Dao neh geh gùng che đèng dà lơgar. Đèng là pơgồp bơnah kuơmàng tàm bơta bơtàu tơnguh lơh sa, tam gơl pa rài kis phan bơna mờ nùs ai làng bol tàm tiah do in.

Ơm bơh ngài neh sền go\ thôn Nam Dao, xã Nâm Nđir tềng hơđang dòr bơnơm jơnhoa. Nàng lòt tus tàm tiah [òn làng bol do, pal lòt jat gùng dềt kue\t rơkue mờ kơh ngan. Mơya, bơh gùl nam lài, ală công nhân, cau lơh đèng Dak Nông neh jun phan bơna, măy mok gan gùng sre, gùng mìr guh tus bồ kơh jơnhoa, lơh đèng rê tus thôn Nam Dao.  

Mu\t ơm kis tam thôn Nam Dao bơh nam 1992, hìu bơnhă mò Lý Lục Mùi, cau Dao bal mờ ală hìu làng bol tàm do neh sơrlèt gan gi\t nđờ bơta bòl glar kal ke tài bơh ờ hềt geh gùng che ồs đèng dà lơgar dê. Ơm cah is tềng hơđang dòr bơnơm jơnhoa, den tàng kờ` sền tivi, pal lòt gùng ngài ngan nàng dan sền tàm thôn ndai.

Ală gùng che đèng tàm thôn Nam Dao

Mơya, bơh nam lài tus tu\ do, gùng che ồs đèng dà lơgar neh geh lơh tus tàm thôn Nam Dao. Kung bơh tu\ hơ\ sơl làng bol lơh ngan lơh sa, prăp pềr priă jền nàng blơi ală phan bơna ngui tàm rài kis mờ broă lơh sa.

“Lài do bòl ngan gơ ih, tus mang jơngo ờ go\ sền go\ gùng nàng tru\ gơm biăp piang sa. Tu\ do den neh ờ bòl ir tai, jơh ală bơta phan lơi kung geh lơm, geh ti vi geh tùh mrềt, geh măy pìh phan, geh tơl jơh”.

Chờ hờp tu\ gùng che đèng dà lơgar neh geh lơh tus tàm thôn, bi Hòang Văn Bình, pà gi\t: Jơnau kơ\p kờ` sùm bơh jo\ jòng gi\t nđờ nam do bơh làng bol dê tu\ do neh gơ geh ngan. Tu\ do, jơh tơl nă cau ndrờm neh geh sền ti vi, kòn geh bơsram tàm bơta àng bơh đèng dê. Đèng ờ ming ngui tàm rài kis lơm gời ờ mờ gam geh ngui tàm broă lơh sa sơl. Bơh di ngai geh đèng, tàm thôn neh geh măy măy kòi, geh anih lơh niam wơl măy mok ờdiơng, ờ niam, rơndeh rơndồ den tàng [ươn ngan.

“Bơh ngai geh đèng làng bol krơi mờ lài uă ngan, geh tivi, geh tùh mrềt ală bơta, oh kòn bơsram niam rlau, đơs bal là sươn mìr lài do tuh dà mờ măy nổ phan tam in, ai tu\ do den neh geh đèng den tuh dà phan tam in mờ đèng gơlơh [ươn ngan, den tàng làng bol bơtàu tơnguh rlau mờ lài”.

Bơh tu\ geh đèng, hìu bơnhă bi Hoàng Văn Bình dê neh lơh anih lơh niam wơl măy mok rơndeh rơndồ ờdiơng ai làng bol in

Thôn Nam Dao gơ ơm ngài mờ tiah tờm kơnhoàl Krông Nô mờr 20 kơi sồ, mờ 132 hìu làng bol kòn cau Dao ntrờn ơm kis tus ơm kis neh rlau 20 nam do. Bulah bơh uă nam do, làng bol tàm thôn Nam Dao neh dờp geh bơta sền gròi dong kờl bơh Đảng, bơh Dà lơgar mờ gơnoar atbồ tiah do dê, mơya rài kis kung gam uă kal ke sơl.

Ồng Hoàng Văn Sơn, Kuang atbồ thôn Nam Dao pà gi\t, bơh tu\ geh gùng che đèng dà lơgar, rài kis làng bol dê ờ huan bòl glar kal ke rlau, phan bơna mờ nùs nhơm geh tam gơl uă ngan.

“Rài kis bè jơh ală bơta bơh lơh sa, ală srơh geh tam gơl uă, pơndrờm mờ nam lài den nam do klàs r[ah jơ\t nđờ hìu. Ồs đèng geh lơh tus tàm [òn dong làng bol [ươn ngan tàm uă broă, ngan là bè rài kí, dà ia ngui mờ đèng lơm, tru\ gơm biăp piang sa, tơn duh dà ndrờm ngui đèng lơm, uă cau geh priă jền gam măy măy kòi, ờ bè lài tai, geh bào kòi làng bol pal pơndiang lòt măy tàm tiah ndai lòt gùng ngài jòng gi\t nđờ kơi sồ, đơs ngan là bol ngan”.

Jat Gah ồs đèng kơnhoàl Krông Nô gơ wèt Công ty Ồs đèng Dak Nông dê yal, kờp tus tu\ do, jơh ală 12 xã, mờ thị trấn tàm kơnhoàl neh geh đèng. Gah ồs đèng kơnhoàl Krông Nô gam dờp lơh kơnòl broă pờ đèng gùng che đèng ai 2 xã: Nam Ka mờ Ea Rbin bơh kơnhoàl Lak, càr Dak Lak dê in tai.

Kờp jơh thôn, [òn tàm tiah do geh gùng che ồs đèng dà lơgar tus 97%. Broă lơh đèng ai thôn Nam Dao in gơ wèt Rơndăp broă lơh đèng ai [òn lơgar in bơh gùng che đèng dà lơgar dê ai lơh lài xã tiah nhàr lơgar mờ tiah kal ke uă ngan in tơngai bơh nam 2015- 2020 jat quyết định bơh Thủ tướng Chính phủ dê.

Ồng Bùi Văn Liên, Giám đốc Gah ồs đèng Krông Nô đơs ngan: Gùng dà broă lơh bơh gah lơh đèng dê là tu\ lơi kung kờ` pơgồp bal mờ ală kấp ủy, gơnoar atbồ tiah do, lơh ngan bơsong kal ke nàng lơh đèng rê tus tơn tàm [òn lơgar, sươn mìr mờ tơl hìu làng bol in nàng lơh geh jơnau kờ` bơtàu tơnguh lơh sa- mpồl bơtiàn.

“Lơh jat ală jơnau kờ` tờm bơh càr mờ kơnhoàl dê sồr, gah ồs đèng kơnhoàl Krông Nô geh pơgồp bal mờ ală xã pơn jat tai ờ hềt lơh jơh broă bơ\t bơtàu [òn lơgar pa, broă bè ồs đèng ờ hềt geh den bol a` geh pơgồp bal nàng lơh broă rơndăp lơh nàng lơh geh broă bè đèng, lơh geh ală broă bè [òn lơgar pa nàng drơng niam ai làng bol tàm tiah do in ”.

Broă lơh đèng tus thôn Nam Dao, xã Nâm Nđir, kơnhoàl Krông Nô, càr Dak Nông tơngo\ gùng dà broă lơh bơh Dà lơgar dê lời ai làng bol kis tàm tiah sar lơgar ngài in. Nàng lơh đèng tus tàm tiah dòr bơnơm jơnhoa, drơng tàm broă lơh sa mờ rài kis ai làng bol tàm tiah do in kung là dùl broă lơh ngan sơrlèt gan kal ke, cih tềl broă lơh niam ngan gơ wèt mờ ală cau lơh đèng Krông Nô, Dak Nông!

Cau mblàng Lơ Mu K’Yến