VOV4.K’ho – Mờ uă bơnah priă bơcri, càr Daklak neh bơcri git nđờ rhiang tơmàn priă lơh gùng che đèng dà lơgar tus tàm ală xã, [òn drơng jơnau kờ` ngui tàm rài kis mờ broă lơh sa ai làng bol in. Kờp bơh tu\ geh ồs đèng, rài kis làng bol dê neh tam gơl, muh mat [òn lơgar ngai sơlơ niam rlau:

Là dùl tàm ală [òn uă kal ke bơh kơnhoàl Krông Năng, càr Daklak dê, nam 2016, [òn Bình Minh, thị trấn Krông Năng geh bơta sền gròi bơcri priă bơh càr Daklak dê, gah lơh ồs đèng neh lơh gùng che đèng dà lơgar tus tàm [òn nàng drơng jơnau kờ` ngui tàm rài kis mờ broă lơh sa bơh làng bol dê. Geh ồs đèng, rài kis làng bol dê geh uă ngan tam gơl.

Ồng Đinh Trọng Phú, nam do neh 84 sơnam, ơm tàm [òn Bình Minh yal: Kis jơh rài mơya tu\ do tàm hìu hơ\ sồng blơi tơl ală phan bơna ngui đèng nàng drơng tàm rài kis hìu bơnhă. Tu\ do rài kis neh tam gơl uă ngan. Ồng đơs:

“Jơh tơl nă làng bol cau lơi kung chờ hờp lơm tài bơh geh ồs đèng sòl àng, ờ pal kơlôi tus bơta ngui đèng zờu tai. Geh ồs đèng, hìu bơnhă lơi kung geh piang gơm sin.”

Tàm xã tiah sar lơgar ngài Cư Drăm, kơnhoàl Krông Bông geh 1 rbô 500 hìu bơnhă mờ rlau 9 rbô nă cau, tàm hơ\ làng bol kòn cau geh rlau 70%. Tus tu\ do, gùt xã neh geh rlau 97% khà hìu bơnhă geh ngui ồs đèng dà lơgar. Geh ồs đèng, uă hìu nhă neh bơcri bơtàu tơnguh broă lơh sa, ròng phan bè: blơi mai\ [ồm dà mờ đèng nàng [ồm dà kơphe, tiêu, tơngời sơntìl pa, kòi sre tàm nhai prang dờng soat dà, blơi tivi sền nàng git ală gùng dà, broă lơh bơh Đảng, chính sách, adat boh lam bơh dà lơgar dê kung bè mờng chài tàm broă lơh sa, ròng phan.

Kơnờm bơh hơ\, rài kis phan bơna, nùs nhơm làng bol dê ngai sơlơ geh bơtàu tơnguh, khà hìu bơnhă r[ah gùt xã gơmù gam 20%, ờ gam hìu bơngă jơgloh tai. Đơs bè bơta tam gơl tàm rài kis bơh tu\ geh ồs đèng, bi H’Roanh Êban, dùl nă cau ơm tàm xã pà git:

“Lài do ồs đèng kung ờ geh, gùng lòt kung ờ geh sơl, bòl glar ngan, tu\ do geh dà lơgar bơcri lơh den tàng neh ờ huan kal ke bè lài do tai.”

Jat ồng Lê Hoài Nhơn, Phó Kuang atbồ Kong ti ồs đèng Daklak, tàm tơngai bơh nam 2003 tus nam 2017, gah lơh ồs đèng neh bơcri mờr 950 tơmàn priă tàm ală rơndap broă lơh ồs đèng tiah [òn lơgar in. Tus tu\ do, ală broă lơh ồs đèng neh lơh jơh mờ geh ai ngui. Pơ gồp bơnah kuơ màng tàm broă chul chồl bơtàu tơnguh lơh sa mpồl bơtìan, sền gàr ngap lơngai, sền gàr dà lơgar bơh [òn lơgar dê. Ồng pà git:

“Tàm ală nam do, mờ bơta lơh ngan bơh gah lơh ồs đèng đơs bal mờ Kong ti ồs đèng Daklak đơs is neh lơh ngan lơh gùng che đèng tus tàm ală [òn tiah sar lơgar ngài, ală [òn làng bol ơm kis. Kờp tus tu\ do, khà bơnhă geh ồs đèng là rlau 97% ngui ồs đèng dà lơgar.”

Bơh bơta lơh ngan bơh gah lơh ồs đèng Daklak dê, gùng che ồs đèng dà lơgar neh geh lơh tus ală tiah kơh bơ nơm, tiah sar lơgar ngài, lơh kơnòl broă tơn jơh jơgloh tơmù r[ah, bơtàu tơnguh rài kis phan bơna,  nùs nhơm ai làng bol kòn cau in. Do kung là bơta sơn rờp lài ngan lam Daklak đơs is mờ Tây Nguyên đơs bal hời rơhời bơtàu tơnguh ndrờm mờ ală tiah ndai tàm gùt lơgar.

                                                           Cau cih mờ yal tơnggit K’Duẩn