VOV4.K’ho - Càr Kon Tum geh gùng nhàr dà lơgar jòng rơlao 292 kơi sồ rềp bal mờ 2 lơgar Lào mờ Campuchia. Tàm ală nam do, bal mờ mpồl ling sền gàr tiah nhàr dà logar mờ gơnoar atbồ tàm càr do, broă sền gàr gơnoar ù tiah, bơta lơngăp lơngai tiah nhàr dà lơgar geh broă tus bal bơh ală kra [òn, kuang atbồ [òn.

Tàm xã tiah nhàr dà lơgar Sa Loong, kơnhoàl Ngọc Hồi – do là tiah geh 16 kơi sồ gùng nhàr dà lơgar rềp bal mờ lơgar Campuchia, ồng A Jú, kis tàm [òn Giang Lố 1 là cau geh pơnrơ jăk tàm broă bal mờ mpồl ling sền gàr tiah nhàr dà lơgar bal mờ gơnoar atbồ tàm do sền gàr gùng nhàr dà lơgar, sền gàr `jrong nhàr dà lơgar.

Tàm ală ngai trồ tiah mìu nhai 7, ồng A Jú, kis tàm [òn Giang Lố 1, xã Sa Loong, kơnhoàl Ngọc Hồi, càr Kon Tum gam bal mờ cau ling sền gàr tiah nhàr dà lơgar tàm pôs ling Sa Loong lòt sền gròi gùng nhàr dà lơgar bal mờ `jrong nhàr dà lơgar.

                          Ồng A Jú lòt sền gròi gùng nhàr dà lơgar bal mờ cau ling sền gàr tiah nhàr dà lơgar

Nam do, bu\ lah neh tus 63 sơnam, mơya bơta pràn kơl dang să jan ồng Jú gam pràn sơl. G^t nđờ 10 nam tus bal mờ broă sền gàr gơl gùng nhàr dà lơgar jòng 16 kơi sồ rềp mờ lơgar Campuchia, ồng Jú g^t tus tơl gơl gùng lòt mờ tus 2 `jong tòm mờ 12 `jrong ing.

Tềl jơng ồng geh tàm gùt dòr bơnơm, tus tơl croh dà bal mờ ală thòng jrô. Mờ ồng Jú, geh tus bal tàm broă sền gàr gơnoar tòm ù tiah, sền gàr bơta lơngăp lơngai tiah nhàr dà lơgar là pơnyờ să dờng màng ngan. Đơs bè ồng Jú, Thiếu tá Phan Trọng Bình, atbồ pôs ling sền gàr tiah nhàr dà lơgar Sa Loong pà g^t:

-Ồng A Jú neh dong kờl pôs ling sền gàr tiah nhàr dà lơgar pơgồp bal mờ pôs ling sền gàr tiah nhàr dà lơgar tàm broă lòt sền gròi gùng nhàr dà lơgar, sền gàr `jrong nhàr dà lơgar bal mờ yal ală tơngu me gùng dà broă lơh, Hiệp định, kơnroăt tàm tiah nhàr dà lơgar kờ` làng bol in mờ kuơ màng ngan là làng bol kòn cau in [uơn wă, [uơn g^t.

Ồng A Jú là dùl tàm ală cau lơh jat niam gơnoar broă, kơnòl broă bơh kra [òn, bơh cau geh pin dờn tàm broă lơh jat bal mờ mpồl ling sền gàr tiah nhàr lơgar bal mờ cấp ủy Đảng, gơnoar atbồ tiah do dê, sền gàr gơnoar tờm ù tiah mờ bơta lơngap lơngai chính trị, ờ do ờ dă mpồl bơtìan tàm tiah do.

Bal mờ broă tus bal tơn tàm broă sền gàr gùng nhàr lơgar jrong nhàr dà lơgar, ồng Jú gam lơh ngan pơgồp bal mờ ală mpồl cau, gơnoar atbồ mờ Pôs ling sền gàr tiah nhàr lơgar Sa Loong nàng mblàng yal, lam sồr làng bol tàm 6 [òn mờ rơlao 5 rơbô 600 nă cau tàm xã tus bal sền gàr gơnoar tờm dà lơgar, bơta lơngap lơngai tiah nhàr lơgar.

   Ồng A Jú cri bơyai mờ kuang bàng cau ling tàm pôs ling sền gàr tiah nhàr dà lơgar Sa Loong bè bơta lơngăp lơngai ờ do ờ dă mpồl bơtiàn

Ală dơ\ mblàng yal geh broă tus bal bơh kra Jú dê bè Nghị định 34, ngai 29/4/2014 bơh Chính phủ bè Quy chế tiah nhàr lơgar, ù gờl dà lơgar Cộng hòa Xã hội Chủ nghĩa Việt Nam; Chỉ thị sồ 01, ngai 9/1/2015 bơh Thủ tướng bè broă bơyai lơh gùt làng bol tus bal sền gàr gơnoar tờm, bơta lơngap lơngai tiah nhàr dà lơgar tàm rài pa; tus mờ ală Hiệp định, quy chế tiah nhàr dà lơgar… sùm geh gal làng bol tàm do tus bal. Ồng Jú pà g^t, kờ` làng bol [uơn wă, [uơn kah, [uơn lơh jăt den pal geh broă lam sồr is:

-Pah nhai, pah nam pal lam sồr làng bol in g^t wă. Mblàng mờ dà đơs kòn cau kờ` làng bol in g^t `jrong nhàr dà lơgar là bè lơi, nhàr dà lơgar là bè lơi. Di lah he ờ đơs mờ dà kòn cau den làng bol ờ wă, tài làng bol g^t dà yoan ờ hềt uă. Tơnơ\ mờ hơ\, den sùm geh tàm pơrjum [òn, a` kung pơgồp bal kờ` bơto sồr làng bol kờ` làng bol in wă gùng dà, broă lơh bơh Đảng, adăt boh lam bơh dà lơgar dê.

Mờ broă pơgồp bal bơta pràn bơh ồng A Jú, làng bol kis tàm [òn Giang Lố 1 đơs is mờ xã Sa Loong đơs bal tu\ do ờ geh cau lơi dờn, ờ geh cau lơi iăt jơnau bơh cau ờ niam bơchồt tai; ờ kis ntrờn; ờ prăp, ờ pơn diang, kă bro, ngui ală bơta ma tuý, phào crong phan bơrtoh… să tòm ồng A Jú neh tus bal bơsong 32 dơ\ tam lơh tàm mpồl bơtiàn; lam sồr 45 nă kơnòm bơsram sơbì bơsram lòt bơsram wơl; lam sồr mờ jà làng bol yă 8 nă cau tìs.

Sùm lam lài tàm ală broă lơh tàm [òn lơgar, ồng A Jú geh làng bol pin dờn mờ sền kuơ. 10 nam sùm ồng geh pồ lơh kuang atbồ mpồl lơh broă măt trận [òn Giang Lố 1 mờ là cau geh bơngă pin dờn tàm làng bol kòn cau. Mò Y Tin, Chủ tịch UBMT dà lơgar Việt Nam xã Sa Loong pà g^t, ồng A Jú là cau lam lài tàm broă sền gàr gơnoar ù tiah, bơta lơngăp lơngai tiah nhàr dà lơgar:

-Tàm broă gùt làng bol sền gàr gơnoar ù tiah, bơta lơngăp lơngai tiah nhàr dà lơgar, ồng A Jú sùm là 1 tàm ală cau lam lài, `hăp `har tàm broă lam sồr, pơgồp bal lam sồr ală hìu nhă làng bol, tàm hơ\ uă ngan là oh kòn ơruh pơnu tàm broă sền gàr gơnoar ù tiah, bơta lơngăp lơngai tiah nhàr dà lơgar. Să tòm ồng A Jú là 1 tàm ală cau tòm tàm xã mờ là cau jăk chài ngan xã dê. Ồng `hăp `har tus bal ală broă lơh [òn lơgar dê.

Nam do, bu\ lah neh 63 sơnam, mơya bu\ lah să jan gơbàn jê, glar bòl kung ờ kơrian nùs nhơm geh kơnòl bơh ồng A Jú dê gơwèt mờ broă sền gàr gơnoar tòm ù tiah, bơta lơngăp lơngai tiah nhàr dà lơgar. Mờ gơnoar atbồ xã bal mờ kuang bàng, cau ling tàm pôs ling sền gàr tiah nhàr dà lơgar Sa Loong, ồng Jú là anih tòm kơl dìng, là cau kuơ màng tàm broă pơgồp bal sền gàr bơta lơngăp lơngai tàm 1 tiah nhàr dà lơgar dê.

Cau mblàng Ndong Brawl