VOV4.K’ho – Mho òr (8/1), tàm Hà Nội, Ban Dân vận dà lơgar bơyai lơh pơrjum lơh jat Quyết định bơh Bộ Chính trị dê bè broă lơh kuang bàng. Tàm pơrjum, Ủy viên Đảng dà lơgar, Phó Kuang atbồ mpồl bơyai lơh dà lơgar, ồng Mai Văn Chính neh yal Quyết định sồ 645 bơh Bộ Chính trị dê, ai ồng Điểu K’Ré, Ủy viên Đảng dà lơgar, Phó Kuang atbồ lơh broă sùm Mpồl đơng lam Tây Nguyên lơh Phó Kuang atbồ Ban Dân vận dà lơgar.

Đơs dờp kơnòl broă pa, ồng Điểu K’Ré đơs tờm, do là bơta niam, bơta pơn ìơ să, mơkung là kơnòl dờng màng ngan mờ Đảng, Dà lơgar neh pin dờn jàu ồng in. Ồng đơs tờm, geh lơh ngan bal mờ Mpồl kuang đơng lam bồ mờ kuang bàng, cau lơh broă Ban Dân vận dà lơgar bơt bơtàu dùl mpồl lơh broă tam klac bal, lơh niam gơnoar broă bơh Ban Dân vận dà lơgar dê là anih cribơyai bơh Ban Chấp hành Đảng dà lơgar dê, tàm hơ\ lơh broă tơn mờ lơh sùm là Bộ Chính trị, Ban Bí thư bè gùng dà, broă lơh dờng tàm broă lam sồr làng bol.

                                                             Cau cih mờ yal tơnggit K’Duẩn