VOV4.K’ho- Drim ngai 06/4, tàm Hà Nội, Đảng đoàn Mặt trận dà lơgar Việt Nam bơyai lơh Pơrjum yal kơrnuat bơh Bộ Chính trị dê bè broă lơh kuang bàng. Jat hơ̆, ồng Đỗ Văn Chiến, Bí thư Đảng dà lơgar, Bí thư Mpồl kuang bàng duh broă Đảng, Bộ trưởng, Kuang atbồ Ủy ban Dân tộc lơh Bí thư Đảng Đoàn Mặt trận dà lơgar Việt Nam tơngai lơh broă bơh nam 2019 tus nam 2024. Ủy viên Bộ Chính trị, Phó Chủ tịch Thường trực Quốc hội, ồng Trần Thanh Mẫn tus bal pơrjum.

Nting bơr gờm chờ ồng Đỗ Văn Chiến geh Bộ Chính trị pồ lơh Bí thư Đảng đoàn Ủy ban Mặt trận dà lơgar Việt Nam, ồng Trần Thanh Mẫn pin dờn mờ gơnoar broă pa, ồng Đỗ Văn Chiến geh bal mờ mpồl Đảng đoàn Ủy ban Mặt trận dà lơgar Việt Nam lơh gơs jak ngan kơnòl broă neh ai tơlik, pơn jat tai tơnguh gơnoar broă bơh Mặt trận dê tàm tơngai tŭ do, dipal mờ bơta pin dờn bơh Đảng, dà lơgar mờ làng bol dê lời ai Mặt trận in.

Cau mblàng K’Duẩn