VOV4.K’ho- Drim ngai 01/7, tàm ƀòn dờng Kon Tum, Hội đồng Nhân dân càr Kon Tum mut pơrjum dơ̆ 1, tơngai lơh broă bơh nam 2021 tus nam 2026. Tàm dơ̆ pơrjum sơn rờp bơh tơngai lơh broă dê, Hội đồng Nhân dân càr Kon Tum neh bơyai lơh pồ ală gơnoar broă đơng lam bồ tờm Hội đồng Nhân dân càr khóa 12.

                                     Ồng Dương Văn Trang ơm đah ma pang rùp 

Mùl màl, ồng Dương Văn Trang, Ủy viên Đảng dà lơgar, Bí thư Tỉnh ủy, Kuang bàng Hội đồng Nhân dân càr geh pồ lơh Chủ tịch Hội đồng Nhân dân càr Kon Tum khóa 12 tơngai lơh broă bơh nam 2021 tus nam 2026 mờ khà sră pồ geh 100% kuang bàng tus bal pơrjum. Ồng Dương Văn Trang deh ngai 20/12/1961. Ƀòn tờm tàm xã Đức Lợi, kơnhoàl Mộ Đức, càr Quảng Ngãi. Mờng chài lơh broă: Cử nhân ling klàng. Lý luận chính trị: Cao cấp. Dơ̆ pơrjum pồ ồng Nguyễn Thế Hải mờ mò Nghe Minh Hồng, lài do là Phó Chủ tịch Hội đồng Nhân dân càr Kon Tum khóa 11 lơh wơl Phó Chủ tịch Hội đồng Nhân dân càr Kon Tum khóa 12.

Cau mblàng K’Duẩn