VOV4.K’ho- Cơldŭ lơh broă Chính phủ pa geh sră nggal cih yal jơnau đơs bơh ồng Lê Văn Thành- Phó Thủ tướng Chính phủ dê bè broă ai tơl bơta ƀuơn ai broă pơndiang phan bơna in tàm tơngai gơbàn kòp Covid-19.

Jăt mờ hơ̆, ồng Lê Văn Thành sồr: Ờ gŏ di sền swì tàm ală anih gròi sền kòp gơwèt mờ rơndeh geh Sră đal gĭt geh QR Code gam tơngai ai ngui bơh gah gùng lòt pơndiang phan dê ai pơndiang phan bơna drơng broă bơ̆t bơtàu, lơh gơlik phan, kă bro, tăc blơi phan mờ lơgar ndai, ngui sa (ờ kờp ală phan bơna kơryan ờ ai lơh gơlik, kă bro jăt jơnau cih bơh kơrnoat boh lam” tàm jơh ală gơl gùng rơndeh ntoăt răt, gùng rơndeh dờng, gùng rơndeh càr, gùng lòt gan kơnhoàl, gùng lòt tàm tiah drà tàm làm gùt lơgar.

Dilah rơndeh ờ geh Sră đal gĭt geh QR Code halà geh mơya jơh tơngai ai ngui den sền swì broă yal tiah lòt rê mờ cau lơh sơnơm in mờ Sră cơng tàng cồng nha xét nghiệm gơwèt mờ virus Sars CoV-2 gơwèt mờ cau đì tàm rơndeh. Tàm ală tiah geh kòp, ală tiah rơcăng lài geh gùng dà broă lơh tam pà gùng, lam lòt rê dipal tơrmù lơyah ngan rlau jơh rơndeh mŭt tàm dơlam tiah drà nàng rơcăng sơndră kòp mơya pal gàr niam broă lơh pơndiang phan, lòt rê, tam pà phan bơna lòt rê niam gan ù tiah he dê.

Cau mblàng Lơ Mu K’Yến