VOV4.K’ho- Ngai 04/5, Mpồl kuang bàng gròi sền bơh Ủy ban Thường vụ Quốc hội dê bơh ồng Nguyễn Đức Hải Phó Chủ tịch Quốc hội lơh kuang ătbồ mpồl lam bồ neh lòt sền broă lơh rơcăng tĕ khà tàm càr Thừa Thiên- Huế. Tàm ală anih lòt sền, ồng Nguyễn Đức Hải Phó Chủ tịch Quốc hội jờng rơ, đơs niam ngan broă lơh rơcăng tĕ khà bơh gơnoar ătbồ tiah do dê tŭ gơlik geh bơta tam gơl uă bè cau ơm kis mơya kung gam sền gàr ală broă lơh mblàng yal, hòi jà làng bol tĕ khà.

Lơh broă mờ Ủy ban Tĕ khà càr Thừa Thiên- Huế, ồng Nguyễn Đức Hải sồr càr Thừa Thiên- Huế lơh pràn kờp sền, sền swì, gròi sền broă lơh rơcăng tĕ khà, sền gàr lơngăp lơngai rơndăp tăp sèng ờdo ờdă mờ lơh sơnơm, broă lơh rơcăng sơndră kòp Covid-19...pơgồp bơnah ai dơ̆ tĕ khà in geh lơh dùl bă làng bol lơh tờm, di kơrnoat boh lam, ngan ngồn là ngai chờ bơh jơh gùt làng bol dê.

Cau mblàng Lơ Mu K’Yến